ନୂଆଦିଲ୍ଲୀ: ଆଜି ଅଭିନେତା ସନ୍ନି ଦେଓଲ ଏବଂ ବବି ଦେଓଲଙ୍କ ମାତା ପ୍ରକାଶ କୌର ନିଜର ଜନ୍ମଦିନ ପାଳନ କରୁଛନ୍ତି । ଏହି ବିଶେଷଦିନରେ ବହୁ ପ୍ରଶଂସକଙ୍କ ସହିତ ବହୁତ ବଲିଉଡର ସେଲିବ୍ରିଟିମାନେ ମଧ୍ୟ ତାଙ୍କୁ ସୋସିଆଲ ମିଡିଆ ମାଧ୍ୟମରେ ଶୁଭେଚ୍ଛା ଜଣାଉଛନ୍ତି ।
ଏହି ଅବସରରେ ସନ୍ନି ଏବଂ ବବି ମଧ୍ୟ ଏକ ଖାସ ଅନ୍ଦାଜରେ ମାତାଙ୍କୁ ବର୍ଥଡେ ଓ୍ବିଶ କରିଛନ୍ତି ।
ସନ୍ନି -ବବି ନିଜ ନିଜ ଇନଷ୍ଟାଗ୍ରାମରେ ମାତାଙ୍କ ଫଟୋ ପୋଷ୍ଟ କରି ଏକ ହୃଦୟସ୍ପର୍ଶୀ ନୋଟ୍ ଲେଖି ତାଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି ।
ଏକ ଆକର୍ଷଣୀୟ ଫଟୋ ସହିତ ସନ୍ନି ଲେଖିଛନ୍ତି, “ହାପି ବର୍ଥଡେ ମମ୍ # ଜନ୍ମଦିନ“ ।
ଫଟୋରେ ସନ୍ନି ତାଙ୍କ ମାଆଙ୍କ ପାଖରେ ବସି କ୍ୟାମେରା ଆଗରେ ପୋଜ୍ କରୁଥିବାର ଦେଖିବାକୁ ମିଳିଛି ।
ବବି ମଧ୍ୟ ତାଙ୍କ ମାଆଙ୍କର ଏକ ଫଟୋ ସେୟାର କରିଛନ୍ତି । ଯେଉଁଥିରେ ସନ୍ନି-ବବି ତାଙ୍କ ମାଆଙ୍କୁ ଆଲିଙ୍ଗନ କରୁଥିବାର ଦେଖିବାକୁ ମିଳିଛି |
ଏହି ସମୟରେ ବବିଙ୍କୁ ଏମ ଏକ୍ସ ପ୍ଲେୟାରର ୱେବ୍ ସୋ 'ଆଶ୍ରମ'ରେ ଦେଖିବାକୁ ମିଳିଥିଲା । ସୋସିଆଲ ମିଡିଆରେ ତାଙ୍କ କାର୍ଯ୍ୟକୁ ପ୍ରଶଂସକମାନେ ବହୁତ ପ୍ରଶଂସା କରୁଛନ୍ତି।
