ମୁମ୍ବାଇ: ସାଉଥର ଜଣାଶୁଣା ଅଭିନେତା ସୁଦୀପ ଓ ବଲିଉଡର ଆକ୍ସନ ହିରୋ ଆନ୍ନା ତଥା ସୁନୀଲ ସେଟ୍ଟୀଙ୍କ ଚର୍ଚ୍ଚିତ ଫିଲ୍ମ ‘ପହଲୱାନ’ର ଜବରଦସ୍ତ ଟ୍ରେଲର ରିଲିଜ ହୋଇଯାଇଛି । ଏହି ଫିଲ୍ମର ଟ୍ରେଲର ଦର୍ଶକଙ୍କୁ ସଲମାନ ଖାନଙ୍କ ଫିଲ୍ମ ‘ସୁଲତାନ’ର କାହାଣୀ ମନେ ପକାଇଦେବ । କାରଣ ଦର୍ଶକ ସଲମାନଙ୍କ ଫିଲ୍ମରେ କୁସ୍ତି ଖେଳ ଦେଖିସାରିଛନ୍ତି ।
ସୁନୀଲଙ୍କ ଅନ୍ଦାଜ ଫିଲ୍ମରେ ଖୁବ୍ ମଜାଦାର ହୋଇଛି । ଏହି ଫିଲ୍ମଟି କୁସ୍ତି ଯୋଦ୍ଧା କାହାଣୀକୁ ନେଇ ଆଧାରିତ ‘ପହଲୱାନ’। ଯେଉଁ ଭୂମିକାରେ ସୁଦୀପ ନଜର ଆସିବେ । ଫିଲ୍ମରେ ଦେଖିବାକୁ ମିଳିବ ଜଣେ କୁସ୍ତି ଯୋଦ୍ଧାଙ୍କ ଦୁଃଖଭରା କାହାଣୀ ଯିଏ ଜୀବନ ଲଢେଇ ଜିତିବା ପାଇଁ ବକ୍ସିଂ ପ୍ରତିଯୋଗିତାରେ ଭାଗ ନେଉଛନ୍ତି ।
ପ୍ରକାଶ ଥାଉକି ‘ପହଲୱାନ’ ଫିଲ୍ମଟି ସେପ୍ଟେମ୍ବର 12ରେ ରିଲିଜ ହେବାକୁ ଯାଉଛି । ଫିଲ୍ମଟି ହିନ୍ଦୀ ସହ ତାମିଲ, ତେଲୁଗୁ ଏବଂ ମଲାୟାଲମରେ ମଧ୍ୟ ରିଲିଜ ହେବ । ଫିଲ୍ମର ହିନ୍ଦୀ ଭର୍ସନଟି ଅଭିନେତା ଆୟୁଷ୍ମାନ ଖୁରାନାଙ୍କ ‘ଡ୍ରିମ ଗାର୍ଲ’ ଏବଂ ‘ସେକ୍ସନ 375’ ସହ ମୁହାଁମୁହିଁ ହେବାକୁ ଯାଉଛି ।
