ହାଇଦ୍ରାବାଦ: ଦ କପିଲ ଶର୍ମା ସୋ (The Kapil Sharma Show) ଆଜିକାଲି କ୍ରମାଗତ ଭାବେ ଚର୍ଚ୍ଚାରେ ରହିଛି । ଦ କପିଲ ଶର୍ମା ସୋ’ ବନ୍ଦ ହେଉଥିବା ଖବର କିଛି ଦିନ ହେଲାଣି ଶୁଣିବାକୁ ମିଳୁଛି। ଏହି ସୋ ବନ୍ଦ ହେବା ଖବର ଫ୍ୟାନ୍ଙ୍କୁ ଦୁଃଖିତ କରି ଦେଇଥିବା ବେଳେ ଏବେ ଆଉ ଏକ ଖବର ଝଟ୍କା ଦେଇଛି। ବର୍ତ୍ତମାନ ଗୁଜବ ଉଠୁଛି ଯେ ସୁମୋନା ଚକ୍ରବର୍ତ୍ତୀ ଏହି ସୋ'ରୁ ବିଦାୟ ନେଇଛନ୍ତି। ବର୍ତ୍ତମାନ ସୁମୋନା ଚକ୍ରବର୍ତ୍ତୀଙ୍କୁ ଖୁବ୍ ଶୀଘ୍ର ଏକ ବଙ୍ଗୀୟ ଟିଭି ସୋ’ରେ ଦେଖିବାକୁ ମିଳିବ। ଏହି ଶୋ’ର ପ୍ରୋମୋ ସାମ୍ନାକୁ ଆସିବା ମାତ୍ରେ ଲୋକମାନେ ସୁମୋନାଙ୍କ ବିଷୟରେ କଳ୍ପନା କରିବା ଆରମ୍ଭ କରିଦେଇଛନ୍ତି । ଲୋକଙ୍କୁ ଲାଗୁଛି ଯେ, ସୁମୋନା ଚକ୍ରବର୍ତ୍ତୀ ଦି କପିଲ ଶର୍ମା ସୋ ଛାଡି ନୂଆ ସୋ’ରେ ଯୋଗ ଦେଇଛନ୍ତି ।
- " class="align-text-top noRightClick twitterSection" data="
">
ସୁମୋନାଙ୍କ ଭିଡିଓ ଭାଇରାଲ
Zeezest ର ଇନଷ୍ଟାଗ୍ରାମ ଆକାଉଣ୍ଟରେ ସୁମୋନା ଚକ୍ରବର୍ତ୍ତୀଙ୍କ ନୂଆ ସୋ 'Shonar Bengal'ର ପ୍ରୋମୋର ଝଲକ ନଜର ଆସିଛି । ଏହି ପ୍ରୋମୋରୁ ଏହା ସ୍ପଷ୍ଟ ହୋଇଛି ଯେ ସୁମୋନା ବର୍ତ୍ତମାନ ବଙ୍ଗଳାର ଲୁକ୍କାୟିତ ସୌନ୍ଦର୍ଯ୍ୟକୁ ଦୁନିଆ ସାମ୍ନାରେ ଆଣିବାକୁ ଯାଉଛନ୍ତି। ସୋ’ର ପ୍ରୋମୋ ମଧ୍ୟ କମାଲ ରହିଛି । ପ୍ରୋମୋ ଉପରେ ଜଣେ ବ୍ୟକ୍ତି ମନ୍ତବ୍ୟ ଦେଇ କହିଛନ୍ତି, 'ବହୁତ କୌତୁହଳପୂର୍ଣ୍ଣ ଦେଖାଯାଉଛି... ସୁମୋନା ମଧ୍ୟ ବହୁତ ସୁନ୍ଦର ଦେଖାଯାଉଛନ୍ତି ।' ସୁମୋନା ଚକ୍ରବର୍ତ୍ତୀଙ୍କ ନୂଆ ସୋ’ର ପ୍ରୋମୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କପିଲ ଶର୍ମା ସୋ' ବନ୍ଦ ଗୁଜବ
ନିକଟରେ ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଥିବାବେଳେ କପିଲ ଶର୍ମା ସୂଚନା ଦେଇଥିଲେ ଯେ ସେ ଏକ ଆନ୍ତର୍ଜାତୀୟ ଯାତ୍ରାରେ ଯାଉଛନ୍ତି। ଏହି ପୋଷ୍ଟ ପରେ ଗୁଜବ ଉଠିବା ଆରମ୍ଭ କରିଥିଲା ଯେ ବର୍ତ୍ତମାନ କପିଲ ଶର୍ମାଙ୍କ ସୋ ବନ୍ଦ ହେବାକୁ ଯାଉଛି। ଏହାପୂର୍ବରୁ ଫିଲ୍ମ ‘କାଶ୍ମୀର ଫାଇଲ୍ସ’ ହେତୁ ଦି କପିଲ ଶର୍ମା ସୋ’ର ନାମ ଚର୍ଚ୍ଚାକୁ ଆସିଥିଲା । ନିର୍ଦ୍ଦେଶକ ବିବେକ ଚକ୍ରବର୍ତ୍ତୀ ଏକ ଟ୍ୱିଟରେ ପ୍ରକାଶ କରିଥିଲେ ଯେ କପିଲ ତାଙ୍କ ସୋ’ରେ ତାଙ୍କ ଫିଲ୍ମର ପ୍ରମୋସନ କରିବାକୁ ମନା କରି ଦେଇଛନ୍ତି। ଏହା ପରେ ଲୋକମାନେ ସୋସିଆଲ ମିଡିଆରେ କପିଲ ଶର୍ମାଙ୍କ ସୋକୁ ବୟ କଟ କରିବାକୁ ଦାବି କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
