ଚେନ୍ନାଇ: କୋରୋନା ଟେଷ୍ଟ ପଜିଟିଭ ଆସିବା ପରେ ପ୍ରଖ୍ୟାତ ଗାୟକ ଏସପି ବାଲସୁବ୍ରମଣ୍ୟମଙ୍କୁ ଗତ 5 ତାରିଖରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପରେ ସୁବ୍ରମଣ୍ୟମ କୋରୋନାରୁ ସୁସ୍ଥ ହୋଇ ନେଗେଟିଭ ଚିହ୍ନଟ ହୋଇଥିବା ତାଙ୍କ ପୁଅ ଏସପିବି ଚରଣ ସୂଚନା ଦେଇଥିଲେ । କିନ୍ତୁ ବର୍ତ୍ତମାନ ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ଅଛି ।
ଚେନ୍ନାଇର ଏମଜିଏମ ହେଲଥ୍ କେୟାର ୟୁନିଟରେ ବାଲ ସୁବ୍ରମଣ୍ୟମ ଚିକିତ୍ସିତ ହେଉଛନ୍ତି । ମେଡିକାଲର ଇଣ୍ଟେନ୍ସିଭ୍ କେୟାର ୟୁନିଟରେ ଭେଣ୍ଟିଲେଟର ଏବଂ ଇସିଏମଓରେ ତାଙ୍କୁ ରଖାଯାଇଛି ।
ଏମଜିଏମ ମ୍ୟାନେଜମେଣ୍ଟଙ୍କ ଅନୁଯାୟୀ, ଗତ 24 ଘଣ୍ଟା ମଧ୍ୟରେ ସୁବ୍ରମଣ୍ୟମଙ୍କ ସ୍ବାସ୍ଥ୍ୟବସ୍ଥା ଅଧିକ ଗୁରୁତର ହୋଇଯାଇଛି । ଏମଜିଏମ ବିଶେଷଜ୍ଞ ଟିମ ତାଙ୍କ ସ୍ବାସ୍ଥ୍ୟବସ୍ଥା ଉପରେ ତୀକ୍ଷ୍ଣ ନଜର ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
