ମୁମ୍ବାଇ: ସାଉଥ ଇଣ୍ଡଷ୍ଟ୍ରିର ପପୁଲାର ଅଭିନେତ୍ରୀ ପୂଜା ହେଗଡେଙ୍କ ଫ୍ୟାନ୍ସଙ୍କ ପାଇଁ ନୈରାଶ୍ୟଜନକ ଖବର। ଯାହା ଶୁଣି ନିରାଶ ହୋଇଯିବେ ଫ୍ୟାନ୍ସ। କାରଣ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ପୂଜାଙ୍କ ଇନଷ୍ଟାଗ୍ରାମ ଆକାଉଣ୍ଟ ହ୍ୟାକ ହେବା ଖବର ବର୍ତ୍ତମାନ ଚର୍ଚ୍ଚାରେ। ଏହାର ସୂଚନା ଦେବା ସହ ପୂଜା ଫ୍ୟାନ୍ସଙ୍କୁ ଏକ ପରାର୍ମଶ ମଧ୍ୟ ଦେଇଛନ୍ତି । ତାଙ୍କର ଆକାଉଣ୍ଟ ବୁଧବାର ରାତିରେ ହ୍ୟାକ ହୋଇଥିଲା ।
ସେ ଏକ ଟ୍ବିଟ କରି ଲେଖିଥିଲେ, ‘ମୋ ଟିମ ମତେ ଜଣାଇଛନ୍ତି ଯେ ମୋ ଇନଷ୍ଟାଗ୍ରାମ ଆକାଉଣ୍ଟ ହ୍ୟାକ ହୋଇଯାଇଛି । ମୋ ଡିଜିଟାଲ ଟିମ ଏଥିରେ ବର୍ତ୍ତମାନ କାମ କରୁଛନ୍ତି । ଦୟା କରି ଏଥିରୁ ସେୟାର ହେଉଥିବା କୌଣସି ମଧ୍ୟ ରିକ୍ବେଷ୍ଟ ସ୍ବୀକାର କରନ୍ତୁ ନାହିଁ ’
ପ୍ରକାଶ ଥାଉକି ହ୍ୟାକ ହେବାର ଗୋଟିଏ ଘଣ୍ଟା ପର୍ଯ୍ୟନ୍ତ ପୂଜାଙ୍କ ଡିଜିଟାଲ ଟିମ ଏହା ଉପରେ କାମ କରି ସବୁ ଠିକ୍ କରିନେଇଥିଲେ । ଆକାଉଣ୍ଟ ଠିକ୍ ହେବା ସୂଚନା ମଧ୍ୟ ପୂଜା ପୁଣିଥରେ ଫ୍ୟାନ୍ସଙ୍କୁ ଆଉ ଏକ ଟ୍ବିଟ ଜରିଆରେ ଦେଇଥିଲେ ।
