ନୂଆଦିଲ୍ଲୀ: ଦେଶରେ କୋରୋନା ଭାଇରସ ମାମଲା ହୁହୁ ହୋଇ ବଢିବାରେ ଲାଗିଛି । ବହୁ ଚଳଚ୍ଚିତ୍ର ତାରକା କୋରୋନା ମହାମାରୀରେ ଆକ୍ରାନ୍ତ ହେଉଛନ୍ତି । ଅନେକ ତାରକା ଏହି ମହାମାରୀକୁ ପରାସ୍ତ କରିଥିବାବେଳେ କିଛି ତାରକା ଅଛନ୍ତି ଯିଏ ଏବେ ମଧ୍ୟ କୋରୋନା ସଂକ୍ରମିତ ହେଉଛନ୍ତି ।
ଏସବୁ ମଧ୍ୟରେ ଶୁକ୍ରବାର ବଲିଉଡ ଅଭିନେତା ସୋନୁ ସୁଦଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । ତାଙ୍କ କୋଭିଡ -19 ରିପୋର୍ଟ ନେଗେଟିଭ ଆସିଛି । ଏହି ସୂଚନା ସୋନୁ ନିଜେ ସୋସିଆଲ ମିଡିଆରେ ଦେଇଛନ୍ତି ।
ସୋନୁ ଟ୍ବିଟରରେ ତାଙ୍କର ଏକ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ମୋର କୋରୋନା ରିପୋର୍ଟ ନେଗେଟିଭ ।
ଏବେ ସୋସିଆଲ ମିଡିଆରେ ସୋନୁଙ୍କ ଏହି ପୋଷ୍ଟ ଖୁବ୍ ଭାଇରାଲ ହେବାରେ ଲାଗିଛି ।
ଗତ ସପ୍ତାହ ଆରମ୍ଭରେ ସୋନୁ କୋରୋନା ସଂକ୍ରମିତ ହୋଇଥିଲେ । ଏହି ସୂଚନା ସୋନୁ ସୋସିଆଲ ମିଡିଆରେ ସେୟାର କରିଥିଲେ ।
