ହାଇଦ୍ରାବାଦ: ବଲିଉଡ ଅଭିନେତା ସୋନୁ ସୁଦଙ୍କ ନେଗେଟିଭ ଚରିତ୍ର ସହ ତାଙ୍କ କମେଡିକୁ ସମସ୍ତେ ପସନ୍ଦ କରନ୍ତି । ଆଗକୁ ସୋନୁ ମହାଭାରତର ଏକ ଅଧ୍ୟାୟ ‘କୁରୁକ୍ଷେତ୍ର’ରେ ନଜର ଆସିବେ । ଏହି ଫିଲ୍ମ କନ୍ନଡ ଭାଷାରେ ନିର୍ମାଣ କରାଯିବ । ଏହି ଫିଲ୍ମରେ ସୋନୁଙ୍କୁ ଅର୍ଜୁନଙ୍କ ଚରିତ୍ରରେ ଦେଖିବାକୁ ମିଳିବ ।
ଏହି ଫିଲ୍ମ କବିତା ‘ଗଦାଯୁଦ୍ଧ’ ଉପରେ ଆଧାରିତ । ଫିଲ୍ମଟିକୁ ମୂଳ ଭାଷା କନ୍ନଡ ଛଡା ଅନ୍ୟ 5ଟି ଭାଷାରେ ରିଲିଜ କରାଯିବ । ଏନେଇ ସୋନୁ କହିଥିଲେ,‘ ଏହା ମୋ ପାଇଁ ଏକ ବଡ ଫିଲ୍ମ । ଏଥିରେ ମୁଁ ଅର୍ଜୁନଙ୍କ ଚରିତ୍ରରେ ନଜର ଆସିବି । ମତେ ପୁରା ବିଶ୍ବାସ ଅଛି ଯେତେବେଳେ ଦର୍ଶକ ଏହି ଫିଲ୍ମ ଦେଖିବେ ଆଶ୍ଚର୍ଯ୍ୟ ନିଶ୍ଚିତ ହେବେ । ’
ପ୍ରକାଶ ଥାଉ କି, କନ୍ନଡ ଭାଷାରେ ‘କୁରୁକ୍ଷେତ୍ର’ ଏକ ବଡ ପ୍ରୋଜେକ୍ଟ । ଏଥିରେ ମହାଭାରତର ଯୁଦ୍ଧକୁ ଖାସ କରି ଚିତ୍ରଣ କରାଯାଇଛି । ନିର୍ଦ୍ଦେଶକ ଏହାକୁ 3D ରେ ରିଲିଜ କରିବା ନେଇ ମଧ୍ୟ ୟୋଜନା ରଖିଛନ୍ତି ।
