ମୁମ୍ବାଇ: ଲୋକସଭା ନିର୍ବାଚନର ଶେଷ ପର୍ଯ୍ୟାୟ ଭୋଟିଂ ଆଜି ହେବାକୁ ଯାଉଛି । ବିହାରର ପଟନା ସାହିବ ସେଟରେ ପୋଲିଂ ହେବ । ଏହି ସିଟରୁ ବଲିଉଡର ବିଶିଷ୍ଟ ଅଭିନେତା ଏବଂ କଂଗ୍ରେସ ନେତା ଶତ୍ରୁଘ୍ନ ସିହ୍ନା ବିଜେପିର ଶିବଶଙ୍କର ପ୍ରସାଦଙ୍କ ବିପକ୍ଷରେ ମଇଦାନରେ ଓହ୍ଲାଇଛନ୍ତି । ପ୍ରକାଶ ଥାଉକି ଏବର୍ଷ ଲୋକସଭା ନିର୍ବାଚନରେ ବିଜେପିର ପଦ୍ମ ଛାଡି କଂଗ୍ରେସର ହାତ ଧରିଛନ୍ତି ଶତ୍ରୁଘ୍ନ ।
ପିତାଙ୍କୁ ଜିତାଇବାକୁ ଯାଇ ଦବଙ୍ଗ ଗାର୍ଲ ସୋନାକ୍ଷୀ ସିହ୍ନା ସୋସିଆଲ ମିଡିଆରେ ଭୋଟ ଅପିଲ କରୁଥିବାର ନଜର ଆସୁଛନ୍ତି ।
ସୋସିଆଲ ମିଡିଆରେ ସୋହାକ୍ଷୀ ଲେଖିଛନ୍ତି, "ବିହାର, ନିଜ ବିହାରୀ ବାବୁ ଶତ୍ରୁଘ୍ନ ସିହ୍ନାଙ୍କୁ ଭୋଟ ଦେବା ସମୟ ଆସିଯାଇଛି । ଈବିଏମରେ ଦୁଇ ନମ୍ବର ଦବାଇ ହାତ ଚିହ୍ନକୁ ଜିତାଆନ୍ତୁ ।" ତାଙ୍କର ଏହି ପୋଷ୍ଟରେ ଅନେକ ୟୁଜର୍ସ ତାଙ୍କୁ ସପୋର୍ଟ କରୁଥିବା ବେଳେ ଆଉ କିଛି ୟୁଜର୍ସ ତାଙ୍କୁ ଖୁବ୍ ଟ୍ରୋଲ ମଧ୍ୟ କରିଛନ୍ତି ।
ଜଣାଉ ଦେଉଛୁ ଯେ ଶତ୍ରୁଘ୍ନଙ୍କ ପତ୍ନୀ ଅର୍ଥାତ୍ ସୋନାକ୍ଷୀଙ୍କ ମା' ପୁନମ ସିହ୍ନା ଲକ୍ଷ୍ନୌରୁ ନିର୍ବାଚନ ଲଢୁଛନ୍ତି । ସେ ସମାଜବାଦୀ ପାର୍ଟିରୁ ପ୍ରାର୍ଥୀ ଅଛନ୍ତି । ଲକ୍ଷ୍ନୌରେ ତାଙ୍କ ମୁକାବଲା ଗୃହମନ୍ତ୍ରୀ ରାଜନାଥ ସିଂହଙ୍କ ସହ ଅଛି । ସୋନାକ୍ଷୀ ମମିଙ୍କ ପାଇଁ ମଧ୍ୟ ରୋଡ ଶୋ କରିଥିଲେ ।
