ହାଇଦ୍ରାବାଦ: ନିକଟରେ ଆରମ୍ଭ ହୋଇଛି ଆଇସିସି କ୍ରିକେଟ ବିଶ୍ବ କପ । ମ୍ୟାଚର ଆରମ୍ଭ ପୂର୍ବରୁ ସବୁ ଦଳର କ୍ୟାପଟେନ କୁଇନ ଏଲିଜାବେଥଙ୍କ ସହ ଫଟୋ ନେଇଛନ୍ତି । ତେବେ ଫଟୋରେ ଥିବା ପାକିସ୍ଥାନ କ୍ୟାପଟେନ ସରଫରାଜ ଅହମ୍ମଦକୁ ନେଇ ଆରମ୍ଭ ହୋଇଛି ଟ୍ରୋଲ ।
ଫଟୋରେ ସମସ୍ତେ ଫର୍ମାଲ ଜ୍ୟାକେଟ ସହ ଟାଏରେ ଥିବାବେଳେ ସରଫରାଜ ପାକିସ୍ଥାନର ପାରମ୍ପରିକ ପାଏଜାମା କୁର୍ତ୍ତୀରେ ଥିଲେ । ତେବେ ଏହାକୁ ନେଇ ସୋସିଆଲ ମିଡିଆରେ ମଜାକ ଉଡାଯାଇଛି । ସୋସିଆଲମିଡିଆରେ ଆକ୍ଟିଭ ରହୁଥିବା ଲେଖକ ତାରିକ ଫତେହ ଟ୍ବିଟ କରି ସରଫରାଜଙ୍କ ମଜାକ ଉଡେଇଥିଲେ ।
ତାରିକ ଫତେହଙ୍କ ଏହି ଟ୍ବିଟର ଜବାବ ଦେଇଛନ୍ତି ଗାୟିକା ସୋନା ମହାପାତ୍ର । ସରଫରାଜଙ୍କୁ ସମର୍ଥନ କରି ସୋନା କହିଛନ୍ତି ପାଏଜେମା, ଚୁଡିଦାରରେ ଖରାପ କଣ! ନିଜ ମାଟି ସହ ଯଡିତ ରହିବା ଭୁଲ ନୁହେଁ ବୋଲି କହିଛନ୍ତି ସୋନା ।
ସୋନା ଏହା ପ୍ରଥମ ଥର ନୁହେଁ ପୂର୍ବରୁ ପ୍ରିୟଙ୍କା ଚୋପ୍ରାଙ୍କ ସମର୍ଥନରେ ମଧ୍ୟ ବାହାରିଥିଲେ ଯେତେବେଳେ ସଲମାନ ‘ଭାରତ’ ଫିଲ୍ମରୁ ବ୍ୟାକଆଉଟକୁ ନେଇ ପ୍ରିୟଙ୍କାଙ୍କୁ ଟାର୍ଗେଟ କରୁଥିଲେ । ମାତ୍ର ସୋନାଙ୍କୁ ଏଥିପାଇଁ ହତ୍ୟା ଧମକ ମଧ୍ୟ ମିଳିଥିଲା ।
