ମୁମ୍ବାଇ: ବିଗ ବସର ଏକ୍ସ ପ୍ରତିଯୋଗୀ ତଥା ମଡେଲ ସୋଫିଆ ହୟାତଙ୍କ ଓ ବିବାଦ ପରସ୍ପର ସହ ଜଡିତ । ସେ ସୋସିଆଲ ମିଡିଆରେ ପ୍ରାୟତଃ ଏମିତି ଜିନିଷ ସେୟାର କରନ୍ତି, ଯାହାଦ୍ବାରା ବିବାଦ ହେବା ନିଶ୍ଚିତ । ପୁଣିଥରେ ସୋଫିଆଙ୍କ ସୋସିଆଲ ମିଡିଆରେ ସେୟାର ଫଟୋ ତାଙ୍କ ପାଇଁ କଣ୍ଟା ସାଜିଛି। ସେ ନିଜ ନ୍ୟୁଡ ଫଟୋ ସେୟାର କରି ଧାର୍ମିକ ଭାବନାକୁ ଆହତ କରିଥିବା ଅଭିଯୋଗ ହୋଇଛି।
ନିକଟରେ ସୋଫିଆ ନିଜର କିଛି ବୋଲ୍ଡ ଫଟୋ ସେୟାର କରିଥିଲେ। ଯେଉଁଥିରେ ସେ ନ୍ୟୁଡ ହୋଇ ହିନ୍ଦୁ ଧର୍ମର ପବିତ୍ର ଚିହ୍ନ ଓଁ ପେଣ୍ଟିଂ ସାମ୍ନାରେ ପୋଜ ଦେଉଥିବାର ନଜର ଆସିଥିଲେ। ଫଟୋ ଭାଇରାଲ ହେବା ମାତ୍ରେ ସୋସିଆଲ ମିଡିଆରେ ଚହଳ ସୃଷ୍ଟି ହୋଇଥିଲା । ଏହାକୁ ଆଧାର କରି ତାଙ୍କର ସବୁ ମହଲରେ ସମାଲୋଚନା କରାଯାଇଛି।
ଜଣେ ୟୁଜର ଟ୍ବିଟ କରି ଘୋଷଣା କରିଛନ୍ତି ଯେ, ସୋଫିଆଙ୍କ ବିରୋଧରେ ପୋଲିସରେ ଅଭିଯୋଗ କରାଯାଇଛି । ସୋଫିଆ ଜାଣିଶୁଣି ହିନ୍ଦୁଙ୍କ ଧର୍ମୀୟ ଭାବନାକୁ ଆହତ ପହଞ୍ଚାଇଛନ୍ତି। ଏହି ଅପମାନ ପାଇଁ ତାଙ୍କୁ ଜବାବ ଦିଆଯିବା ଦରକାର।
ସେପଟେ ବିବାଦ ବଢିବା ପରେ ସୋଫିଆ ନିଜ ପକ୍ଷ ରଖି କହିଛନ୍ତି ଯେ, ତାଙ୍କୁ ଜାଣିଶୁଣି ଟାର୍ଗେଟ କରାଯାଉଛି । କାରଣ ଏମାନେ ଏମିତି ଲୋକ, ଦେବୀ ଏବଂ ଫିମେଲ ଖ୍ରୀଷ୍ଟର ଅବତାର ମାନୁନାହାଁନ୍ତି । ବୁଦ୍ଧଙ୍କ ଚରଣରେ ସ୍ବାସ୍ତିକ ଥାଏ ତେବେ ଲୋକଙ୍କୁ ଚିନ୍ତା ହେଉନାହିଁ । ହେଲେ ସେ ଯେତେବେଳେ ଯାହା କରୁଛନ୍ତି ସମସ୍ତେ ତାଙ୍କୁ ଟାର୍ଗେଟ କରୁଛନ୍ତି।
