ମୁମ୍ବାଇ: ପୁଣି ବିବାଦରେ ଛନ୍ଦି ହେଲେ ବଲିଉଡ଼ ଅଭିନେତ୍ରୀ ଶିଳ୍ପା ସେଟ୍ଟୀ । ଏଥର କିନ୍ତୁ ସ୍ବାମୀଙ୍କ ପାଇଁ ନୁହେଁ ଟଙ୍କା ପୈଠ ନ କରିବାକୁ ନେଇ ହୋଇଛି ଅଭିଯୋଗ । ଶିଳ୍ପା, ଭଉଣୀ ଶମିତା ସେଟ୍ଟୀ ଓ ମା' ସୁନନ୍ଦା ସେଟ୍ଟୀଙ୍କ ନାମରେ ହୋଇଛି ଅଭିଯୋଗ । ଏମାନେ ପ୍ରାୟ ୨୧ ଲକ୍ଷ ଟଙ୍କା ଲୋନ କରିବା ପରେ ପୈଠ ନ କରିବାରୁ ଜଣେ ବ୍ୟବସାୟୀ ତାଙ୍କ ବିରୋଧରେ ଅଭିଯୋଗ ଆଣିଛନ୍ତି ।
ବ୍ୟବସାୟୀ ପରହଦ୍ ଆମ୍ରା ଏହି ଷ୍ଟାର ପରିବାର ବିରୋଧରେ ଜୁହୁ ପୋଲିସ ଷ୍ଟେସନରେ ଅଭିଯୋଗ କରିଥିଲେ । ଏମାନେ 21 ଲକ୍ଷ ଟଙ୍କା ଋଣ ନେବା ପରେ ପରିଶୋଧ ନ କରିବାରୁ ଶୁକ୍ରବାର କୋର୍ଟ ସମନ ଜାରି କରିଛନ୍ତି । ଆସନ୍ତା ଫେବୃଆରୀ 28ରେ ଏହି ତିନିଜଣଙ୍କୁ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଅଭିଯୋଗ ଅନୁଯାୟୀ, ଶିଳ୍ପା ଶେଟ୍ଟୀ, ଭଉଣୀ ଶମିତା ଏବଂ ମାତା ସୁନନ୍ଦା ଋଣ ପରିଶୋଧ କରିବାରେ ବିଫଳ ହୋଇଥିଲେ ।
ତେବେ ଏହି ଟଙ୍କା ଶିଳ୍ପା ଏବଂ ପିତା ସୁରେନ୍ଦ୍ର ଶେଟ୍ଟୀ ନେଇଥିବାର ଅଭିଯୋଗ ହୋଇଛି । ଅଟୋମୋବାଇଲ୍ ଏଜେନ୍ସି ମାଲିକ ଅମ୍ରା ଅଭିଯୋଗ କରିଛନ୍ତି ଯେ ସୁରେନ୍ଦ୍ର ସେଟ୍ଟୀ 2015ରେ ଏହି ଋଣ ନେଇଥିଲେ ଏବଂ ଜାନୁୟାରୀ 2017 ସୁଦ୍ଧା ତାହା ଫେରସ୍ତ କରାଯିବାର ଥିଲା କିନ୍ତୁ ତିନିଜଣ ଋଣ ପରିଶୋଧ କରିବାକୁ ମନା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
