ମୁମ୍ବାଇ: ବଲିଉଡ ଅଭିନେତା ସାହିଦ କପୁରଙ୍କ ବିଷୟରେ ଏକ ରିପୋର୍ଟ ସାମ୍ନାକୁ ଆସିଛି । ସାହିଦ ଲକଡାଉନରେ ପ୍ରଭାବିତ 40 ବଲିଉଡ ଡ୍ୟାନ୍ସରଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । ସାହିଦ ସେହି ଡ୍ୟାନ୍ସରମାନଙ୍କୁ ସାହାଯ୍ୟ କରିବାକୁ ଯାଉଛନ୍ତି ଯେଉଁମାନଙ୍କ ସହ ସେ ତାଙ୍କ କ୍ୟାରିୟର ଆରମ୍ଭରେ କାମ କରିଥିଲେ ।
ବଲିଉଡର ପୂର୍ବତନ ଡ୍ୟାନ୍ସର ରାଜ ସୁରାନି କହିଛନ୍ତି, ସାହିଦ କପୁର, ତାଙ୍କ ସହ କାମ କରୁଥିବା ଡ୍ୟାନ୍ସରମାନଙ୍କ ଆକାଉଣ୍ଟକୁ ଟଙ୍କା ପଠାଇଛନ୍ତି । ସେ 40 ବଲିଉଡ ଡ୍ୟାନ୍ସରଙ୍କୁ ପ୍ରାୟତଃ ସାହାଯ୍ୟ କରିଛନ୍ତି ଏବଂ ସେ ଆଗକୁ ଦୁଇ ତିନି ମାସ ପର୍ଯ୍ୟନ୍ତ ସେମାନଙ୍କୁ ସାହାଯ୍ୟ କରିବେ ବୋଲି କହିଛନ୍ତି ।
ନିକଟରେ ସାହିଦ ତାଙ୍କ ଆଗାମୀ ଚଳଚ୍ଚିତ୍ର ‘ଜର୍ସି’ରେ କ୍ରିକେଟର ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ହିଟ ତେଲୁଗୁ ଚଳଚ୍ଚିତ୍ରର ରିମେକ ଅଟେ । ଏଥିରେ ମୃନାଲ ଠାକୁର ଏବଂ ପଙ୍କଜ କପୁର ପ୍ରମୁଖ ଭୂମିକାରେ ମଧ୍ୟ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
