ମୁମ୍ବାଇ: ବି-ଟାଉନର କିଙ୍ଗଖାନ ଶାହରୁଖ ଖାନ 1989ର ଟିଭି ଧାରାବାହିକ 'ଫୌଜି' ଜରିଆରେ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ । ଫୌଜିର କ୍ୟାପ୍ଟେନ ଅଭିମନ୍ୟୁ ରାୟ ଆଜି ମଧ୍ୟ ଲୋକଙ୍କ ହୃଦୟରେ ବଞ୍ଚିଛନ୍ତି । କେବଳ 13 ଏପିସୋଡର ଏହି ଧାରାବାହିକ ଖୁବ୍ ଲୋକପ୍ରିୟ ହୋଇଥିଲା । ଏବେ ଆପଣ ଭାବୁଥିବେ କି ଆମେ ଏଠାରେ କାହିଁକି ଏତେ ପୁରୁଣା ଧାରାବାହିକ ବିଷୟରେ କଥା ହେଉଛୁ । ତେବେ ଆପଣଙ୍କ ପାଇଁ ଖୁସି ଖବର ସାମ୍ନାକୁ ଆସିଛି ।
କଥାଟି ହେଲା କି ଏହି ଧାରାବାହିକ ଏବେ ଅନଲାଇନରେ ଦେଖିବାକୁ ମିଳିବ । ଆମାଜନ ପ୍ରାଇମ ଭିଡିଓରେ ଆପଣ ଶାହରୁଖଙ୍କ ଏହି ଖାସ୍ ଧାରାବାହିକ ଦେଖିପାରିବେ । ପ୍ରକାଶ ଥାଉକି ଧାରାବାହିକରେ ଶାହରୁଖ କ୍ୟାପ୍ଟେନ ଅଭିମନ୍ୟୁ ରାୟ ଭୂମିକାରେ ନଜର ଆସିଥିଲେ । ଏଥିରେ ବିଶ୍ବଜିତ ପ୍ରଧାନ ଓ ବିକ୍ରମ ଚୋପ୍ରା ଭଳି କଳାକାର ମଧ୍ୟ ଅଭିନୟ କରିଥିଲେ ।
ଫୌଜି ଦୂରଦର୍ଶନରେ ପ୍ରସାରିତ ହୋଇଥିଲା । କର୍ନଲ ରାଜ କପୁର ଏହି ଧାରାବାହିକର ନିର୍ଦ୍ଦେଶକ ଥିଲେ । ଯାହାଙ୍କର ନିଧନ ନିକଟରେ ହୋଇଛି ।
