ମୁମ୍ବାଇ: ଲୋକପ୍ରିୟ ଧାରାବାହିକ ‘ସସୁରାଲ ସିମର କା’ ଫେମସ ଆକ୍ଟର ମନୀଷ ରାୟସିଙ୍ଘାନ ଓ ‘ନାଗିନ 3’ ଅଭିନେତ୍ରୀ ସଙ୍ଗୀତା ଚୌହାନ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ଏହି ଲଭବାର୍ଡଙ୍କ ବିବାହ ଗୁରୁଦ୍ବାରରେ ସମ୍ପନ୍ନ ହୋଇଛି । ଯାହାର ଫଟୋ ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି । ମଜାଦାର କଥା ହେଲା ଯେ ଏହି ଯୋଡି ମାସ୍କ ପିନ୍ଧି ବିବାହ କରିଛନ୍ତି । ଯାହା ଚର୍ଚ୍ଚାର ବିଷୟ ପାଲଟିଛି ।
ବର-କନ୍ୟା ବେଶରେ ମନୀଷ ଓ ସଙ୍ଗୀତା ଖୁବ୍ ସୁନ୍ଦର ନଜର ଆସୁଛନ୍ତି । ସଙ୍ଗୀତା ହ୍ବାଇଟ ପିଙ୍କ କଲର ପଟିଆଲା ସୁଟ ପିନ୍ଧିଥିବା ବେଳେ ମନୀଷ ପିଙ୍କ ଓ ହ୍ବାଇଟ କଲରର କୁର୍ତା ପଜାମା ସହ ପର୍ପଲ କଲରର ଜ୍ୟାକେଟ କ୍ୟାରି କରିଥିବାର ନଜର ଆସୁଛନ୍ତି ।
ସେହିପରି ଭାଇରାଲ ହେଉଥିବା ଫଟୋରେ ଦୁଇଜଣ ମାସ୍କ ପିନ୍ଧିଥିବାର ଦେଖାଯାଉଛନ୍ତି । ଲକଡାଉନ ପାଇଁ ବିବାହରେ ମାତ୍ର 10 ଜଣ ଲୋକ ସାମିଲ ହୋଇଥିଲେ । ବର୍ତ୍ତମାନ ସୋସିଆଲ ମିଡିଆରେ ଫ୍ୟାନ୍ସ ଏହି ଯୋଡିକୁ ବିବାହର ଶୁଭେଚ୍ଛା ଦେବାରେ ଲାଗିଛନ୍ତି ।
