ନୂଆଦିଲ୍ଲୀ: ଏବେ ବଲିଉଡ ଅଭିନେତ୍ରୀ ସାରା ଅଲି ଖାନ ମା' ଅମୃତା ସିଂ ଏବଂ ଭାଇ ଇବ୍ରାହିମ ଅଲି ଖାନଙ୍କ ସହ କାଶ୍ମୀରର ବରଫ ପାହାଡରେ ଛୁଟି ଉପଭୋଗ କରୁଛନ୍ତି ।
ସାରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ତାଙ୍କ ଟ୍ରିପକୁ ଉପଭୋଗ କରୁଥିବା ଦେଖିବାକୁ ମିଳିଥିଲା।
ସାରା ନିଜ ଇନଷ୍ଟାଗ୍ରାମ ଆକାଉଣ୍ଟର ଷ୍ଟୋରୀରେ ଏକ ଫଟୋ କୋଲାଜ ସେୟାର କରିଛନ୍ତି । ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ସାରାଙ୍କ ଏକ କୋଲାଜ ଫଟୋରେ ଖାଦ୍ୟ ସାମଗ୍ରୀ ଏକ ଥାଳିରେ ଥିବାର ଦେଖିବାକୁ ମିଳିଛି । ଏଥିସହିତ ସାରା ପୁଲ୍ ରେ ଉପଭୋଗ କରୁଥିବା ଦେଖାଯାଏ । ଅନ୍ୟ ଏକ ଫଟୋରେ ସାରା ଗୋଲାପୀ ଜ୍ୟାକେଟ୍ ପିନ୍ଧି ଠିଆ ହୋଇଛନ୍ତି ।
ସାରା ଏହି ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି, 'ନମସ୍ତେ ଦର୍ଶକ, ସାରାଙ୍କୁ ଦେଖନ୍ତୁ । ମୋ ମା' ଲାଜରେ ଟିକେ ମୁହଁ ଘୋଡାଇଛନ୍ତି । କିନ୍ତୁ ମୋର ଦର୍ଶକ ଦୟାକରି ଫୋନ ରଖନ୍ତୁ ନାହିଁ।
ପ୍ରକାଶ ଥାଉ ଯେ, ଏବେ ସାରାଙ୍କ ଏହି ଭିଡିଓକୁ ଫ୍ୟାନ୍ସ ବହୁତ ପସନ୍ଦ କରୁଛନ୍ତି ।
