ହାଇଦ୍ରାବାଦ: ଶ୍ରାବଣ ମାସ ଆରମ୍ଭ ହେଲେ ମହାକାଲଙ୍କ ଉପରେ ଅନେକ ଗୀତ ପ୍ରସ୍ତୁତ କରାଯାଏ । ତେବେ ମାସର ଆରମ୍ଭରେ ସପନା ଚୌଧୁରୀ ଦର୍ଶକଙ୍କୁ ଭେଟି ଦେଇଛନ୍ତି ତାଙ୍କ ନୂଆ ଗୀତ ‘ଭୋଲେ କା ସ୍ବାଗ୍’ । ଗୀତଟି ରିଲିଜ ପରେ ଏହାକୁ ଖୁବ ପସନ୍ଦ କରାଯାଉଛି । ରିଲିଜ ପରେ ଗୀତକୁ ପ୍ରାୟ ଏକ ମିଲିୟନରୁ ଅଧିକ ଭିୟୁ ମିଳିସାରିଲାଣି ।
ଫଟୋ ସୌଜନ୍ୟ: ସୋସିଆଲ ମିଡିଆ
ସପନା ଚୌଧୁରୀଙ୍କ ଦେଶୀ ଅନ୍ଦାଜ ସହ ଜନି ସୁଫୀଙ୍କୁ ଗୀତ ଗାଉଥିବାର ଦେଖିବାକୁ ମିଳିଛି । ଗୀତରେ ସପନାଙ୍କ ମଡର୍ଣ୍ଣ ଲୁକ ମଧ୍ୟ ନଜର ଆସିଛି । କିଛି ଦିନତଳେ ସପନା ବିଜେପିରେ ଯୋଗ ଦେଇଛନ୍ତି । ସପନା ସବୁବେଳେ ନିଜ ହରିୟାଣୀ ଲୁକକୁ ନେଇ ଚର୍ଚ୍ଚାରେ ଥାଆନ୍ତି । ଏହାସହ ତାଙ୍କ ଦେଶୀ ସ୍ବାଗ୍ ଦେଖିବାକ ମିଳେ ।
ସପନା ପ୍ରଥମେ ଉତ୍ତରପ୍ରଦେଶ, ହରିୟାଣ ଓ ବିହାର ଯାଏଁ ସିମିତ ଥିଲେ । ପରେ ବିଗବସ-11ରେ ଭାଗ ନେବା ପରେ ତାଙ୍କ ପପୁଲାରିଟି ବଢିଥିଲା । ସପନା ଅନେକ ସେଲିବ୍ରିଟି କାର୍ଯ୍ୟକ୍ରମରେ ମଧ୍ୟ ଯୋଗ ଦେଇଛନ୍ତି ।
