ମୁମ୍ବାଇ: ଆଜି ବଲିଉଡର ଖଲନାୟକ ସଞ୍ଜୁ ବାବା ଓରଫ ସଞ୍ଜୟ ଦତ୍ତଙ୍କ 60ତମ ଜନ୍ମଦିନ । ଏହି ଅବସରରେ ଫ୍ୟାନ୍ସଙ୍କୁ ଉପହାର ଦେବାକୁ ଯାଇ ସେ ନିଜ ପ୍ରଯୋଜିତ ଫିଲ୍ମ ‘ପ୍ରସ୍ଥାନମ’ର ଜବରଦସ୍ତ ଟ୍ରେଲର ରିଲିଜ କରିଦେଇଛନ୍ତି ।
ଏହି ମଲ୍ଟି ଷ୍ଟାରର ଫିଲ୍ମରେ ସଞ୍ଜୟ ଜଣେ ରାଜନେତା ଭୂମିକାରେ ନଜର ଆସୁଛନ୍ତି । ଯିଏ ନିଜ କ୍ଷମତା ତଥା ଶାସନ ଗଦି ସହଜରେ କାହାରିକୁ ଦେବାକୁ ପସନ୍ଦ କରୁନାହାଁନ୍ତି । ଏହାପରେ ଦେଖାଦେଇଛି ବାପା, ସାବତ ପୁଅ ଓ ନିଜ ପୁଅ ମଧ୍ୟରେ ମତାନ୍ତର । ଯାହାଦ୍ବାରା ନଷ୍ଟ ହୋଇଯାଇଛି ଗୋଟିଏ ପରିବାର । ଯାହା ଟ୍ରେଲରେ ଦେଖିବାକୁ ପାଇଛନ୍ତି ଦର୍ଶକ ।
- " class="align-text-top noRightClick twitterSection" data="">
ସଞ୍ଜୟଙ୍କ ବ୍ୟତୀତ ଫିଲ୍ମରେ ଜ୍ୟାକି ଶ୍ରଫ, ଅଲ୍ଲୀ ଫୈଜଲ, ମନୀଷା କୋଇରାଲା, ଆମୟରା ଦସ୍ତୁର ଓ ସତ୍ୟଜିତ ଦୁବେ ମୁଖ୍ୟ ଭୂମିକାରେ ନଜର ଆସୁଛନ୍ତି । ସେହିପରି ‘ପ୍ରସ୍ଥାନମ’ ଜରିଆରେ କମେଡି ଅଭିନେତା ଚଙ୍କି ପାଣ୍ଡେ ଦୀର୍ଘ ଦିନ ପରେ ବଲିଉଡକୁ କମବ୍ୟାକ କରିଛନ୍ତି ।
ଦମଦାର ଟ୍ରେଲଟିକୁ ସଞ୍ଜୟ ଫ୍ୟାନ୍ସଙ୍କ ପାଇଁ ଟ୍ବିଟରରେ ସେୟାର କରିଛନ୍ତି । ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଗଦି ପାଇଁ ଆରମ୍ଭ ହେଲା ଯୁଦ୍ଧ ।’
ପ୍ରକାଶ ଥାଉକି 2010ରେ ଆସିଥିବା ତେଲୁଗୁ ସୁପରହିଟ୍ ଫିଲ୍ମ ‘ପ୍ରସ୍ଥାନମ’ର ଏହାର ହିନ୍ଦୀ ରିମେକ ଫିଲ୍ମ । ତେଲୁଗୁ ଫିଲ୍ମରେ ନିର୍ଦ୍ଦେଶନା ଦେଇଥିବା ନିର୍ଦ୍ଦେଶକ ଦେବା କାଟ୍ଟା ମଧ୍ୟ ହିନ୍ଦୀ ରିମେକର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି । ସେପ୍ଟେମ୍ବର 20ରେ ରିଲିଜ ହେବାକୁ ଯାଉଛି ଏହି ଫିଲ୍ମ ।
