ହାଇଦ୍ରାବାଦ: ବଲିଉଡ ଅଭିନେତା ସନି ଦେଓଲ ଓ ହେମା ମାଳିନି ଲୋକସଭା ନିର୍ବାଚନରେ ବହୁମତରେ ବିଜୟ ହାସଲ କରିଛନ୍ତି । ବଲିଉଡ ହି ମ୍ୟାନ ଧର୍ମେନ୍ଦ୍ରଙ୍କ ପୁଅ ସନି ଦେଓଲ ଗୁରୁଦାସପୁରରୁ ବିଜୟୀ ହୋଇଥିବା ବେଳେ ପତ୍ନୀ ହେମାମାଳିନି ମଥୁରାରୁ ବିଜୟୀ ହୋଇଛନ୍ତି । ତେବେ ଦୁହେଁ ସଂସଦରେ ଉପସ୍ଥିତ ରହିବେ ମାତ୍ର ଏକାଠି ବସି ପାରିବେନି ।
ଏହାର କାରଣ କୌଣସି ପାରିବାରିକ କନ୍ଦଳ ନୁହେଁ ବରଂ ହେମାମାଳିନି ସିନିଅର ସାଂସଦ ହୋଇଥିବା ବେଳେ ସନି ପ୍ରଥମ କରି ସଂସଦରେ ଯୋଗ ଦେବେ । ତେଣୁ ହେମାମାଳିନି ଆଗରେ ବସିବା ବେଳେ ସନି ପଛରେ ବସିବେ ।
ସନି ପ୍ରଥମ କରି ନିର୍ବାଚନ ଲଢିଥିଲେ ଓ ତାଙ୍କୁ ବିପୁଳ ସମର୍ଥନ ମିଳିଛି । ସେ ଯେଉଁ ଆସନ ପାଇଁ ଲଢୁଥିଲେ ତାହା ବିଜେପିର ପାରମ୍ପାରିକ ଆସନ । ତେବେ ଏହି ଆସନରେ ଅଭିନେତା ବିନୋଦ ଖନ୍ନା ସବୁବେଳେ ଜିତି ଆସୁଥିଲେ ମାତ୍ର ତାଙ୍କ ଦେହାନ୍ତ ପରେ ଆଶା କରାଯାଉଥିଲା ତାଙ୍କ ସ୍ତ୍ରୀଙ୍କୁ ଟିକେଟ ମିଳିପାରେ କିନ୍ତୁ ଧର୍ମେନ୍ଦ୍ରଙ୍କ ପୁଅ ସନି ଦେଓଲଙ୍କୁ ସୁଯୋଗ ଦିଆଯାଇଥିଲା ।
ଅନ୍ୟପକ୍ଷେ ହେମାମାଳିନି ମଥୁରାରେ ଦ୍ବିତୀୟ ଥର ବିଜୟୀ ହୋଇଛନ୍ତି ।
