ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ଆକ୍ସନଭରା ଫିଲ୍ମର ଦିୱାନାଙ୍କ ପାଇଁ ଖୁସି ଖବର। ତାଜା ସୂଚନା ଅନୁଯାୟୀ ଲକଡାଉନରେ ମଧ୍ୟ ବନ୍ଦ ହୋଇନାହିଁ ସଲମାନଙ୍କ ଆଗାମୀ ଫିଲ୍ମ ‘କିକ-2’ର କାମ । ଖୁଲାସା କଲେ ଫିଲ୍ମ ନିର୍ମାତା ସାଜିଦ ନାଦିୟାଦୱାଲାଙ୍କ ପତ୍ନୀ ବର୍ଦା ନାଦିୟାଦୱାଲା । ନିକଟରେ ସେ ଏହା ବିଷୟରେ ଖୁଲାସା କରି ଏକ ଟ୍ବିଟରେ ସୂଚନା ଦେଇଥିଲେ।
କଥା ହେଲା ଯେ ଲକଡାଉନ ମଧ୍ୟରେ ବର୍ଦା ସମ୍ବାଦିକା ଫରୀଦୁନ ସାୟରୟାରଙ୍କ ସହ ଏକ ଲାଇଭ ଚାର୍ଟରେ କଥାବାର୍ତ୍ତା କରିଥିଲେ। ଆଉ କହିଥିଲେ କି ବର୍ତ୍ତମାନ ‘କିକ-2’ର କାମ ଚାଲିଛି। ଏହାର କାମ ଲକଡାଉନରେ ମଧ୍ୟ ବନ୍ଦ ହୋଇନାହିଁ । ସ୍କ୍ରିପ୍ଟ ଲେଖିବାରେ ଲାଗିଛନ୍ତି ସାଜିଦ। ଯାହା ଦର୍ଶକଙ୍କ ପାଇଁ ଶାନଦାର ସାବ୍ୟସ୍ତ ହେବାକୁ ଯାଉଛି।
ପ୍ରକାଶ ଥାଉକି ସଲମାନଙ୍କ ପୂର୍ବ ଫିଲ୍ମ ‘କିକ’ ବ୍ଲକବଷ୍ଟର ହେବା ପରଠୁ ଦର୍ଶକ ଏହାର ସିକ୍ବେଲ ଦେଖିବାକୁ ବ୍ୟାକୁଳ ଅଛନ୍ତି ।
