ମୁମ୍ବାଇ: ପୁଲୱାମା ଆକ୍ରମଣରେ ଦେଇଥିବା ପଞ୍ଜାବ ମନ୍ତ୍ରୀ ଓ କଂଗ୍ରେସ ନେତା ନବଜୋତ ସିଂହ ସିଦ୍ଧୁଙ୍କ ବିବାଦୀୟ ବୟାନ ପରେ ତାଙ୍କ ବିଷୟରେ ସବୁ ମହଲରେ ଆଲୋଚନା ହୋଇଥିଲା । କଥା ଏତିକିରେ ଶାନ୍ତ ପଡିନଥିଲା । ଏହାପରେ ତାଙ୍କୁ କପିଲ ଶର୍ମା କମେଡି ଶୋରୁ ମଧ୍ୟ ବାହାର କରାଯାଇଥିଲା । ସୋସିଆଲ ମିଡିଆରେ ୟୁଜର୍ସ ସିଦ୍ଧୁଙ୍କୁ ଖୁବ୍ ଟ୍ରୋଲ କରିଥିଲେ । ବର୍ତ୍ତମାନ ଏକ ନୂଆ ଖବର ସାମ୍ନାକୁ ଆସିଛି । ଭାଇଜାନ୍ ସଲମାନ ଖାନ ଚାହୁଁଛନ୍ତି କି ସିଦ୍ଧୁ ଶୋରେ ଫେରନ୍ତୁ ବୋଲି ।
କପିଲ ଶର୍ମା ଶୋର ନିର୍ମାତା ସଲମାନ ଚାହୁଁଥିଲେ କି ଯେପର୍ଯ୍ୟନ୍ତ ମାମଲା ଶାନ୍ତ ନହୋଇଛି ସେ ପର୍ଯ୍ୟନ୍ତ ସିଦ୍ଧୁ ଶୋ ଠାରୁ ଦୂରେଇ ରହିବେ । ସେ ଆଦୌ ଚାହୁଁନଥିଲେ କି ସିଦ୍ଧୁ ଶୋରୁ ପୁରାପୁରି ବାହାରି ଯାଆନ୍ତି । ଖବର ଅନୁଯାୟୀ ଚ୍ୟାନେଲ ଏବଂ ସିଦ୍ଧୁଙ୍କ ମଧ୍ୟରେ ଏକ ଚୁକ୍ତି ହୋଇଥିଲା । ସେହିଠାରେ ସୋନି ଟିଭି ଏବଂ ସଲମାନ ମାମଲା ଶାନ୍ତ ହେବାର ଅପେକ୍ଷାରେ ଅଛନ୍ତି । ଯାହାପରେ ସେ ସିଦ୍ଧୁଙ୍କୁ ଦ୍ବିତୀୟଥର ଶୋକୁ ଆଣିପାରିବେ ।
ଏମିତିରେ ସଲମାନ ଶୋର ମୁଖ୍ୟ କଳାକାର ଓ କପିଲଙ୍କ ସହ ସୋନି ଟିଭିକୁ ପରାମର୍ଶ ଦେଇଛନ୍ତି କି ଏହି ପ୍ରସଙ୍ଗରେ ଆଦୌ ମୁହଁ ଖୋଲିବେ ନାହିଁ । ପ୍ରକାଶ ଥାଉକି ସିଦ୍ଧୁ ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନଙ୍କର ଭଲ ବନ୍ଧୁ । ଖାଲି ଏତିକି ନୁହେଁ ସେ ଇମରାନଙ୍କ ଶପଥ ଗ୍ରହଣରେ ମଧ୍ୟ ସାମିଲ ହୋଇଥିଲେ । ଯାହା ପରଠାରୁ ସିଦ୍ଧୁ ଦେଶବାସୀଙ୍କ ଟାର୍ଗେଟରେ ଆସିଯାଇଥିଲେ । ସେହିଠାରେ ପୁଣି ସିଦ୍ଧୁ ପୁଲୱାମା ଆକ୍ରମଣରେ ପାକ୍ ସପକ୍ଷରେ ବୟାନ ଦେଇ ଚର୍ଚ୍ଚାର ବିଷୟ ପାଲଟିଥିଲେ ।
