ମୁମ୍ବାଇ: ବିଗ୍ ବସ୍ 15 ଫାଇନାଲର (Bigg Boss 15 Grand Finale Promo) ପ୍ରୋମୋ ଆସି ସାରିଛି । ହୋଷ୍ଟ ସଲମାନଙ୍କ ପପୁଲାର ବିଗ ବସ୍ ୧୫ର ଫାଇନାଲ କିଛି ଦିନ ମଧ୍ୟରେ ଆରମ୍ଭ ହେବ । ଗୋଟିଏ ଲମ୍ବା ଯାତ୍ରା ଶେଷ ହେବାକୁ ଯାଉଛି । ଶୋ ସହ ଜଡିତ କିଛି ଖଟା ମିଟା ମୂହୁର୍ତ୍ତକୁ ସାଉଁଟା ଯାଉଛି । ହେଲେ କିଛି ଘଟଣ ଏମିତି ଅଛି ଯାହାକୁ ସାଉଁଟିବା ବହୁତ କଷ୍ଟକର । ୨୦୨୧ରେ ବିଗବସ୍ କୁ ଏକ ବଡ ଝଟକା ଲାଗିଥିଲା ।
ବିଗବସ୍ ୧୩ରେ ବିଜେତା ସିଦ୍ଧାର୍ଥ ଶୁକ୍ଳାଙ୍କର ହୃଦଘାତରେ ଦେହାନ୍ତ ହୋଇଥିଲା । ବିଗ ବିସ୍ ୧୫ରେ ସିଦ୍ଧାର୍ଥଙ୍କୁ ଟ୍ରିବ୍ୟୁଟ ଦିଆଯିବ । ଏହି ଅବସରରେ ଶେହନାଜ ଗିଲ ଉପସ୍ଥିତ ରହିବେ । ଶୋର ନୂଆ ପ୍ରୋମୋରେ ଦେଖିବାକୁ ମିଳିଛି କି ସିଦ୍ଧାର୍ଥଙ୍କୁ ମନେ ପକାଇ ଶେହନାଜ ଓ ସଲମାନ ଭାବୁକ ହୋଇଛନ୍ତି ।
ବିଗ ବିସ୍ ତରଫରୁ ସିଦ୍ଧାର୍ଥଙ୍କୁ ଶ୍ରଦ୍ଧାଞ୍ଜଳି
ପପୁଲାର ଶୋ ବିଗ୍ ବସ୍ 15 ଫାଇନାଲର ସଲମାନ ସିଦ୍ଧାର୍ଥଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ସିଦ୍ଧାର୍ଥଙ୍କ ଖାସ ବନ୍ଧୁ ଶେହନାଜ ଗିଲଙ୍କୁ ସ୍ବାଗତ ମଧ୍ୟ କରିଛନ୍ତି ସଲମାନ । ଶେହନାଜ ସଲମାନଙ୍କୁ ଦେଖିବା ମାତ୍ରେ କାନ୍ଦି ପକାଇଛନ୍ତି । ସଲମାନଙ୍କୁ ଆଲିଙ୍ଗନ କରି ଭୋ ଭୋ କାନ୍ଦିବାକୁ ଲାଗିଥିଲେ ଶେହନାଜ । ସଲମାନ ମଧ୍ୟ ଭାବୁକ ହୋଇ ପଡିଛନ୍ତି ଲୁହକୁ ଅଟକାଇ ପାରି ନାହାନ୍ତି ଉଭୟ । ସିଦ୍ଧାର୍ଥଙ୍କୁ ମନେ ପକାଇ ଉଭୟ ଇମୋସନାଲ ହୋଇ ଯାଇଥିବା ପ୍ରୋମୋରେ ଦେଖିବାକୁ ମିଳିଛି ।
ବିଗ ବସ୍ ଫାଇନାଲେ ସିଦ୍ଧାର୍ଥଙ୍କୁ ନୃତ୍ୟ ପରିବେଶଣ କରି ଟ୍ରିବ୍ୟୁଟ ଦେବେ ଶେହନାଜ । 'ସୁନ ରେ ଫରିରା' ଗୀତରେ ଡ୍ୟାନ୍ସ କରିବେ ଶେହନାଜ । ପ୍ରକାଶ ଥାଉ କି ବିଗ୍ ବସ୍ 15 ଫାଇନାଲର ୬ ଜଣ ପ୍ରତିଯୋଗୀ ପହଞ୍ଚିଛନ୍ତି । ସେମାନେ ହେଲେ କରଣ କୁନ୍ଦ୍ରା, ତେଜସ୍ବୀ ପ୍ରକାଶ, ଶମିତା ଶେଟ୍ଟୀ, ନିଶାନ୍ତ ଭଟ୍ଟ, ରଶ୍ମୀ ଦେଶାଇ ଏବଂ ପ୍ରତୀକ ସେଜପାଲ ।
