ମୁମ୍ବାଇ: ଲକଡାଉନରେ ମଧ୍ୟ ସେଲିବ୍ରିଟିଙ୍କ ମସ୍ତିଭରା ଅନ୍ଦାଜ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି। ସୋସିଆଲ ମିଡିଆରେ ଘୁରିବୁଲୁଛି ଷ୍ଟାର୍ସଙ୍କ ଅନେକ ଭିଡିଓ। ଇତିମଧ୍ୟରେ ଚର୍ଚ୍ଚାରେ ଆସିଛନ୍ତି ସୁପରଷ୍ଟାର ସଲମାନ ଖାନ ଓ ଜ୍ୟାକଲିନ ଫର୍ଣ୍ଣାଡେଜି । ଦୁଇଜଣଙ୍କ ଜବରଦସ୍ତ କମେଷ୍ଟ୍ରି ପୁଣିଥରେ ଏକାଠି ଦେଖିବାକୁ ମିଳୁଛି । ଯାହା ଦେଖି ଖୁସି ହୋଇଯାଇଛନ୍ତି ଫ୍ୟାନ୍ସ।
ସଲମାନଙ୍କ ଫ୍ୟାନପେଜ ଇନଷ୍ଟାଗ୍ରାମରେ ଭାଇରାଲ ହେଉଥିବା ଭିଡିଓରେ ସଲମାନ ନିଜ ଫିଲ୍ମ ‘ଜୁଡୱା’ର ଫେମସ ଗୀତ ‘ଚଲତି ହେ କ୍ୟା 9 ସେ 12’ରେ ଡାନ୍ସ ଜ୍ୟାକଲିନଙ୍କୁ ଶିଖାଉଥିବାର ନଜର ଆସୁଛନ୍ତି । ସାମ୍ନାକୁ ଆସିଥିବା ଏହି ଭିଡିଓଟି ଖୁବ୍ ପୁରୁଣା । ହେଲେ ଲକଡାଉନରେ ଫ୍ୟାନ୍ସଙ୍କ ମନୋରଞ୍ଜନ କରିବାରେ ଲାଗିଛି ଷ୍ଟାର୍ସଙ୍କ ଏପରି ପୁରୁଣା ଭିଡିଓ । ଆପଣ ମଧ୍ୟ ଦେଖନ୍ତୁ ଦୁଇଜଣଙ୍କ ମସ୍ତିଭରା ଡାନ୍ସ...
ପ୍ରକାଶ ଥାଉକି ନିକଟରେ ସଲମାନ ନିଜ ୟୁଟ୍ୟୁବ ଚ୍ୟାନେଲ ବିଙ୍ଗ ସଲମାନ ଖାନ ଲଞ୍ଚ କରିଥିଲେ । ଆଉ ସେଥିରେ ନିଜ ଦ୍ବାରା ଗାଇଥିବା ‘ପ୍ୟାର କରୋନା’ ଗୀତ ରିଲିଜ ମଧ୍ୟ କରିଥିଲେ। ଯେଉଁଥିରେ କୋରୋନା ଭାଇରସରୁ ବଞ୍ଚିବା ପାଇଁ ସତେଚନା ବାର୍ତ୍ତା ଦିଆଯାଇଥିଲା।
