ମୁମ୍ବାଇ: ରିଲିଜ ହୋଇଛି ସଲମାନ ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ 'ଭାରତ'ର ଟ୍ରେଲର । ଯାହା ଦର୍ଶକଙ୍କୁ ବେଶ୍ ପସନ୍ଦ ଆସିବା ସହ ଚାରିଆଡେ ଏବେ କେବେଳ ଏହି ଫିଲ୍ମର ଚର୍ଚ୍ଚା । ରିଲିଜ ହେବା ପରେ ଭାରତର ଟ୍ରେଲର ସୋସିଆଲ ମିଡିଆରେ ଛାଇ ଯାଇଛି । କିଛି ଏହି ଫିଲ୍ମର ପ୍ରଶଂସା କରୁଛନ୍ତି ତ ଆଉ କିଛି ଫିଲ୍ମର ମେମ୍ ତିଆରି କରି ସେୟାର କରିବାରେ ଲାଗିପଡିଛନ୍ତି ।
ସବୁଠାରୁ ଆଶ୍ଚର୍ଯ୍ୟର କଥା କି ଫିଲ୍ମଟି ସଲମାନଙ୍କୁ କେନ୍ଦ୍ର କରି ପ୍ରସ୍ତୁତ ହୋଇଥିଲେ ମଧ୍ୟ ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ତାଙ୍କଠାରୁ ଛଡାଇ ନେଇଛନ୍ତି ଲାଇମ ଲାଇଟ । ସୋସିଆଲ ମିଡିଆକୁ ଯଦି ଦେଖିବା ତେବେ ୟୁଜର୍ସ ସଲମାନଙ୍କଠାରୁ ଅଧିକା କ୍ୟାଟଙ୍କ ବିଷୟରେ କଥା ହେଉଥିବାର ଦେଖାଯାଇଛନ୍ତି ।
ସଲମାନ ଏହି ଫିଲ୍ମରେ 'ଭାରତ' ନାମକ ଭୂମିକାରେ ଅଭିନୟ କରୁଛନ୍ତି । ଅନ୍ୟପଟେ ଟ୍ରେଲରରେ କ୍ୟାଟ୍ରିନାଙ୍କୁ 'ସର ମ୍ୟାଡମ' ନାମରେ ସମ୍ବୋଧିତ କରୁଥିବାର ନଜର ଆସୁଛନ୍ତି । ପୂର୍ବ କିଛି ଫିଲ୍ମରେ ନିଜ ଅଭିନୟ ଏବଂ ହିନ୍ଦୀ କହିବା ଷ୍ଟାଇଲ ପାଇଁ ଖୁବ୍ ସମାଲୋଚନାର ଶିକାର ହୋଇଥିବା କ୍ୟାଟ୍ରିନା 'ଭାରତ' ଫିଲ୍ମରେ ଜବରଦସ୍ତ ଅଭିନୟ କରୁଥିବା ଦେଖାଯାଇଛନ୍ତି । ଟ୍ରେଲରରେ ମଧ୍ୟ ତାଙ୍କ ଏକ ସିନରେ ଡାଇଲଗ ଡେଲିଭରୀକୁ ଜବରଦସ୍ତ ପ୍ରଶଂସା ମିଳିଛି ।
ଫିଲ୍ମରେ କ୍ୟାଟ୍ରିନା ଜଣେ ସରକାରୀ ଅଫିସର ଭୂମିକାରେ ଅଭିନୟ କରୁଛନ୍ତି । 'ଭାରତ' ଫିଲ୍ମରେ କ୍ୟାଟଙ୍କ ଲୁକ ସମ୍ପୂର୍ଣ୍ଣ ଭିନ୍ନ ରଖାଯାଇଛି । ଅନ୍ୟପଟେ ତାଙ୍କ ଅଭିନୟ ମଧ୍ୟ ପୂର୍ବ ଅପେକ୍ଷା ଖୁବ୍ ଭଲ ହୋଇଯାଇଛି । ଫିଲ୍ମରେ କ୍ୟାଟ୍ରିନାଙ୍କୁ ଦେଖି ପ୍ରାୟ ସମସ୍ତେ ତାଙ୍କ ପ୍ରଂଶସା କରିବାରେ ଲାଗିପଡିଛନ୍ତି ।
