ହାଇଦ୍ରାବାଦ: ବଲିଉଡ ଭାଇଜାନ ଏବେ ଫିଲ୍ମ ଭାରତକୁ ନେଇ କାଫି ଚର୍ଚ୍ଚାରେ ଅଛନ୍ତି । ଫିଲ୍ମ ଆଗାମୀ ଇଦରେ ରିଲିଜ ହେବ । ଫିଲ୍ମ ପ୍ରମୋଶନର ବ୍ୟସ୍ତତା ଭିତରେ ଥିଲେ ମଧ୍ୟ ନିର୍ବାଚନ ଫଳାଫଳ ଦିନ ସଲମାନ ଘରେ କିଛି ସମୟ ବିତାଇଛନ୍ତି । ତେବେ ସୋସିଆଲ ମିଡିଆରେ ସାର୍ଟଲେସ ଫଟୋ ପୋଷ୍ଟ କରି ଫ୍ୟାନ୍ସଙ୍କ ହୋସ ଉଡେଇଛନ୍ତି ସଲମାନ । ଫଟୋରେ ଏକଦମ ଫିଟ ଲାଗୁଛନ୍ତି ଭାଇଜାନ ।
ଫଟୋରେ ସଲମାନ ସୋଫା ଉପରେ ବସି ନ୍ୟୁଜ ଦେଖୁଥିବାର ଜଣାପଡିଛି । ଫଟୋରେ କ୍ୟାପସନରେ ସଲମାନ ଲେଖିଥିଲେ ‘ସ୍ବଚ୍ଛ ଭାରତ ଫିଟ ଭାରତ’ । ତେବେ ମଜାକଥା ହେଲା ବରୁଣ ଧୱନ ତୁରନ୍ତ ଫଟୋରେ କମେଣ୍ଟ ଦେଇ ଭାଇଜାନ 18 ବର୍ଷିୟ ଲାଗୁଛନ୍ତି ବୋଲି କହିଥିଲେ ।
ଭାଇଜାନଙ୍କ ଏହ ଫଟୋକୁ ପ୍ରାୟ 14ଲକ୍ଷ ଲାଇକ ଆସିସାରିଲାଣି । ତେବେ ‘ଭାରତ’ କଥା କହିବାକୁ ଗଲେ ସୋସିଆଲ ମିଡିଆରେ ଏବେ ଫିଲ୍ମର ମେକିଂ ଭିଡିଓ ରିଲିଜ କରାଯାଉଛି । ଫିଲ୍ମରେ ସଲମାନଙ୍କ ସହ କ୍ୟାଟ୍ରିନା କୈଫ, ସୁନୀଲ ଗ୍ରୋଭର, ଦିଶା ପଟ୍ଟନିଙ୍କୁ ଦେଖିବାକୁ ମିଳିବ ।
