ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର ଖାନ ପଲଟନ ଅର୍ଥାତ୍ ସଲମାନ ଖାନ, ଶାହରୁଖ ଖାନ ଓ ଆମୀର ଖାନ ଫିଲ୍ମ ସହ ଛୋଟ ପରଦାରେ ମଧ୍ୟ ନିଜ ଭାଗ୍ୟ ପରୀକ୍ଷା କରିସାରିଛନ୍ତି । ଏବେ ଏହି ତାଲିକାରେ ସାମିଲ ହେବାକୁ ଯାଉଛନ୍ତି ଛୋଟେ ନୱାବ ସୈଫ ଅଲ୍ଲୀ ଖାନ ।
ଆଜ୍ଞା ହଁ, ନେଟଫ୍ଲିକ୍ସର ଜବରଦସ୍ତ ୱେବ ସିରିଜ 'ସେକ୍ରେଡ ଗେମ୍ସ' ଜରିଆରେ ଡିଜିଟାଲ ପ୍ଲଟଫର୍ମରେ ଧମାଲ ସୃଷ୍ଟି କରିସାରିଛନ୍ତି ।
ଏହାସହ ସେ ଛୋଟ ପରଦାରେ ମଧ୍ୟ ପାଦ ଥାପିବାକୁ ଯାଉଛନ୍ତି । ଶୁଣିବାକୁ ମିଳୁଛି ଯେ ସେ ସନ୍ଦୀପ ସିକନ୍ଦରଙ୍କ ନୂଆ ଶୋ 'କାହାଂ ହମ କାହାଂ ତୁମ'ରେ କଳକାରଙ୍କୁ ଦର୍ଶକଙ୍କ ସହ ସାକ୍ଷାତ କରାଇବେ । ଏହି ଶୋରେ ଦୀପିକା କକ୍କଡ ଓ କରନ ଗ୍ରୋବର ମୁଖ୍ୟ ଭୂମିକାରେ ଦେଖାଯିବେ । ଖବର ଅନୁଯାୟୀ ସୈଫ କେବଳ ଶୋର ଭୂମିକାଙ୍କ ବିଷୟରେ ଦର୍ଶକଙ୍କୁ ଜଣାଇବେ ।
ଏହି ଶୋଟି ଏକ ଲଭ ଷ୍ଟୋରୀ ହେବାକୁ ଯାଉଛି । ଯେଉଁଥିରେ ଦୀପିକା ଜଣେ ଅଭିନେତ୍ରୀ ଭୂମିକାରେ ନଜର ଆସିବା ବେଳେ କରନ ଶୋରେ ଜଣେ କାର୍ଡିୟୋଲଜିଷ୍ଟ ରୋଲରେ ଦେଖାଯିବେ ।
