ମୁମ୍ବାଇ: ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନ ବର୍ତ୍ତମାନ ନିଜର ଆଗାମୀ ଫିଲ୍ମ ‘ଲାଲ କପ୍ତାନ’କୁ ନେଇ ଚର୍ଚ୍ଚାରେ । ଫିଲ୍ମର ଟ୍ରେଲରକୁ ତିନୋଟି ଭାଗରେ ରିଲିଜ କରାଯାଇଥିଲା । ଯାହାକୁ ଦେଖି ଦର୍ଶକଙ୍କ ଏକ୍ସାଇଟମେଣ୍ଟ ଖୁବ୍ ବଢିଯାଇଛି । ବର୍ତ୍ତମାନ ବଡ ପରଦାରେ ଫିଲ୍ମ ଦେଖିବାକୁ ଅପେକ୍ଷା କରିବସିଛନ୍ତି ଫ୍ୟାନ୍ସ ।
ଦର୍ଶକଙ୍କ ଉତ୍ସାହ ଆହୁରି ବଢାଇବା ପାଇଁ ମେକର୍ସ ସୈଫଙ୍କ ନୂଆ ପୋଷ୍ଟର ଜାରି କରିଛନ୍ତି । ‘ଲାଲ କପ୍ତାନ’ରେ ନାଗା ସାଧୁ ସାଜିଥିବା ସୈଫ ପୋଷ୍ଟରରେ ରାବଣ ଅବତାରରେ ନଜର ଆସୁଛନ୍ତି । ମଥାରେ ଲାଲି ଟିକା ଏବଂ ଆଖିରେ ଗାଢ କଳା ଲଗାଇ ଦର୍ଶକଙ୍କ ହୋସ ଉଡାଇଛନ୍ତି ସୈଫ । ଖାଲିତି ଏତିକି ନୁହେଁ ରାବଣର ଦଶ ମସ୍ତିଷ୍କ ପରି ସୈଫଙ୍କ ମଧ୍ୟ ଦଶ ମସ୍ତିଷ୍କ ଦେଖିବାକୁ ମିଳୁଛି ।
ଏହି ଅବସରରେ ଲୋକପ୍ରିୟ ନିର୍ଦ୍ଦେଶକ ଆନନ୍ଦ ଏଲ ରାୟ ଫିଲ୍ମର ପୋଷ୍ଟର ସେୟାର କରି କ୍ୟାପସନରେ ଲେଖିଛନ୍ତି, ‘ହର ରାମ କା ଅପନା ରାବଣ, ହର ରାମ କା ଅପନା ଦଶହରା।’
ପ୍ରକାଶ ଥାଉକି ‘ଲାଲ କପ୍ତାନ’ର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିର୍ଦ୍ଦେଶକ ନବଦୀପ ସିଂ । ଯିଏ ପୂର୍ବରୁ ଫିଲ୍ମ ‘ଏନଏଚ 10’ରେ ମଧ୍ୟ ନିର୍ଦ୍ଦେଶନା ଦେଇଥିଲେ । ଲାଲ କପ୍ତାନ ଏମାସ 18ରେ ରିଲିଜ ହେବାକୁ ଯାଉଛି । ଫିଲ୍ମରେ ସୈଫଙ୍କ ସହ ଦବଙ୍ଗ ଗାର୍ଲ ସୋନାକ୍ଷୀ ସିହ୍ନା ମଧ୍ୟ ମିଷ୍ଟ୍ରି ୱିମେନ ଭୂମିକାରେ ନଜର ଆସିବେ ।
