ମୁମ୍ବାଇ: ସୈଫ ଅଲ୍ଲୀ ଖାନଙ୍କ ୱେବ ସିରିଜ ‘ତାଣ୍ଡବ’କୁ ନେଇ ଦୀର୍ଘ ସମୟରୁ ଉତ୍ସାହିତ ଦର୍ଶକ । ଏହାର ଝଲକ ଦେଖିବାକୁ ସମସ୍ତେ ବ୍ୟାକୁଳ । ଦର୍ଶକଙ୍କ ଏକ୍ସାଇଟମେଣ୍ଟ ଦେଖି ମେକର୍ସ ସୋମବାର ‘ତାଣ୍ଡବ’ର ଜବରଦସ୍ତ ଟ୍ରେଲର ରିଲିଜ କରିଦେଇଛନ୍ତି । ଟ୍ରେଲରରେ କ୍ଷମତାର ଲୋଭ ଦ୍ବାରା ସୃଷ୍ଟି ହୋଇଥିବା ରାଜନୀତିର ସମ୍ପୂର୍ଣ୍ଣ ଆଭିମୁଖ୍ୟ ଦେଖିବାକୁ ମିଳୁଛି । ଏହା ସହିତ ଟ୍ରେଲରେ ସୈଫ ଏବଂ ଡିମ୍ପଲ କାପାଡିଆଙ୍କ ଦମଦାର ଭୂମିକା ସହ ସମସ୍ତେ ପରିଚିତ ମଧ୍ୟ ହେଉଛନ୍ତି ।
‘ତାଣ୍ଡବ’ ଟ୍ରେଲରରେ ଦର୍ଶାଯାଇଛି ଯେ ପ୍ରଧାନମନ୍ତ୍ରୀଙ୍କ ଚେୟାର ପାଇଁ ସଂଘର୍ଷ ହେଉଛି । କ୍ଷମତାରେ ବସିଥିବା ପ୍ରତ୍ୟେକ ବ୍ୟକ୍ତି ପ୍ରଧାନମନ୍ତ୍ରୀ ପଦବୀ ଉପରେ ନଜର ରଖିଛନ୍ତି ଏବଂ ସେମାନେ ଏହାକୁ ପାଇବାକୁ କେତେ ତଳକୁ ଖସିପାରୁଛନ୍ତି ତାହା ଦେଖିବାକୁ ମିଳୁଛି ।
ସେହିପରି ସିରିଜରେ ସୈଫ, ସମର ପ୍ରତାପ ସିଂଙ୍କ ଭୂମିକାରେ ନଜର ଆସିବାକୁ ଯାଉଥିବା ବେଳେ ଡିମ୍ପଲ ତାଙ୍କ ମା'ଙ୍କ ଭୂମିକାରେ ଦେଖାଯିବେ । ହେଲେ ପ୍ରଧାନମନ୍ତ୍ରୀ ହେବାକୁ ଦୁଇଜଣ ପରସ୍ପର ସହ ଲଢୁଛନ୍ତି ମଧ୍ୟ । ଆମାଜନ ପ୍ରାଇମ ଭିଡିଓର ଏହି ସିରିଜରେ ସୈଫ ଓ ଡିମ୍ପଲଙ୍କ ବ୍ୟତୀତ ସୁନୀଲ ଗ୍ରୋୱର, ଆୟୁବ ଖାନ, ତିଗ୍ମାଂଶୁ ଧୁଲିୟା, କୁମୁଦ ମିଶ୍ରା, ସାରା ଜୈନ ଡିୟାସ, ଡିନୋ ମୈର୍ଯ୍ୟା, ଗୌହର ଖାନ, ଅନୁପ ସୋନି, କୃତିକା କାମରା, ହିତେନ ତିଜେୱାନୀ, ଅମାୟରା ଦସ୍ତୁରଙ୍କ ଅଭିନୟ ଦେଖିବାକୁ ମିଳିବ ।
‘ସାକ୍ରେଡ ଗେମ୍ସ’ ଜରିଆରେ ଦର୍ଶକଙ୍କ ମନ କିଣିଥିବାରୁ ସୈଫ ମେକର୍ସ ତାଣ୍ଡବକୁ ନେଇ ମଧ୍ୟ ଏହି ଆଶା ବାନ୍ଧିଛନ୍ତି । ଏବେ ଆପଣ ଦେଖନ୍ତୁ ଟ୍ରେଲର...
- " class="align-text-top noRightClick twitterSection" data="
">
