ମୁମ୍ବାଇ: ସୁପରଷ୍ଟାର ଶାହରୁଖ ଖାନ ବଲିଉଡ ଇଣ୍ଡଷ୍ଟ୍ରିରେ 27 ବର୍ଷ ପୂରଣ କରିନେଇଛନ୍ତି । ଏହି ଅବସରରେ ସୋସିଆଲ ମିଡିଆରେ ତାଙ୍କୁ ଅନେକ ସେଲିବ୍ରିଟି ଶୁଭେଚ୍ଛା ଦେଇଥିବାର ନଜର ଆସିଥିଲେ । ଅନ୍ୟପଟେ ଭାରତୀୟ କ୍ରିକେଟ ଟିମର ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର କିଙ୍ଗ ଖାନଙ୍କୁ ଖାସ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି ।
ଶାହରୁଖଙ୍କ ଦ୍ବାରା ଜୁନ 25ରେ ସୋସିଆଲ ମିଡିଆରେ ସେୟାର ହୋଇଥିବା ଏକ ଭିଡିଓରେ ସଚିନ ଶନିବାର ତଥା ଆଜି ଏକ ଟ୍ବିଟ କରିଛନ୍ତି । ଟ୍ବିଟ କରି ସେ ଲେଖିଛନ୍ତି, "ପ୍ରିୟ ବାଜିଗର, ଡୋଣ୍ଟ ଚକ ଦେ ହେଲମେଟ ।" ଜବତକ୍ ହେ ଜାନ ତବତକ୍ ବାଇକ ପର ଇସକା ଇସ୍ତେମାଲ କରୋ" । 27 ବର୍ଷ ପୂରଣ ହେବା ଅବସରରେ ଅନେକ ଅନେକ ଶୁଭେଚ୍ଛା । ଶୀଘ୍ର ସାକ୍ଷାତ ହେବ ମୋ ବନ୍ଧୁ ।"
ସଚିନଙ୍କ ନିଆରା ଅନ୍ଦାଜ ଫ୍ୟାନ୍ସଙ୍କୁ ଖୁବ୍ ପସନ୍ଦ ଆସିଛି । ଆଉ କମେଣ୍ଟ ଉପରେ କମେଣ୍ଟ ଦେବାରେ ଲାଗିପଡିଛନ୍ତି ଫ୍ୟାନ୍ସ ।
ପ୍ରକାଶ ଥାଉକି, ଶାହରୁଖ ନିଜର ପ୍ରଥମ ଫିଲ୍ମ 'ଦିୱାନା'ର ଏଣ୍ଟ୍ରି ସଙ୍ଗ 'କୋଇ ନା କୋଇ ଚାହିହେ' ଗୀତଟିକୁ ସେୟାର କରିଥିବା ଭିଡିଓରେ ରିକ୍ରିଏଟ କରିଥିଲେ ।
