Blinkit ଆରମ୍ଭ କଲା ଆମ୍ବୁଲାନ୍ସ ସେବା; ମାତ୍ର 10ମିନିଟରେ ଘରେ ପହଞ୍ଚିବ ଟିମ୍‌

କ୍ବିକ୍‌ କମର୍ସ ସର୍ଭିସ୍‌ Blinkit ଆମ୍ବୁଲାନ୍ସ ସେବା ଆରମ୍ଭ କରିଛି । ଫଳରେ ମାତ୍ର 10 ମିନିଟ୍‌ରେ ଘରେ ପହଞ୍ଚିବ ଇମରଜେନ୍ସି ମେଡିକାଲ ହେଲ୍‌ପ । ଅଧିକ ପଢନ୍ତୁ

ହାଇଦ୍ରାବାଦ: ଭାରତର କ୍ବିକ୍‌ ଇ-କମର୍ସ କମ୍ପାନୀ ବ୍ଲିଙ୍କଇଟ୍‌ (Blinkit) ଲୋକଙ୍କୁ 10 ମିନିଟ୍‌ରେ ଅର୍ଡର ପହଞ୍ଚାଉଥିଲା । ଏବେ କମ୍ପାନୀ ଏକ ପ୍ରଶଂସନୀୟ ସେବା ଆରମ୍ଭ କରିଛି । ଏହାଦ୍ବାରା ମାତ୍ର 10 ମିନିଟରେ ଆପଣଙ୍କ ଘରେ ଆମ୍ବୁଲାନ୍ସ ପହଞ୍ଚିବ । ଏଥିଲାଗି କମ୍ପାନୀ ବେସିକ୍‌ ଲାଇଫ ସପୋର୍ଟ (BLS) ସହିତ ଆମ୍ବୁଲାନ୍ସ ସେବାର ଶୁଭାରମ୍ଭ କରିଛି । ଏହି ସେବାର ଆରମ୍ଭ ହୋଇସାରିଥିବା ବେଳେ ପ୍ରାଥମିକ ପର୍ଯ୍ୟାୟରେ ଦିଲ୍ଲୀ NCRର ଏକ ସହର ଗୁରୁଗ୍ରାମରେ 5ଟି ଆମ୍ବୁଲାନ୍ସ ସହ ପ୍ରଦାନ କରାଯାଉଛି ।

10ମିନିଟରେ ମିଳିବ ଆମ୍ବୁଲାନ୍ସ ସେବା

ପ୍ରତ୍ୟେକ BLS ଆମ୍ବୁଲାନ୍ସରେ ପାରାମେଡିକ୍, ହେଲପର୍‌ ଏବଂ ତାଲିମପ୍ରାପ୍ତ ଡ୍ରାଇଭର ରହିବେ ଯାହା ଦ୍ବାରା ସେମାନେ ରୋଗୀଙ୍କୁ ଯଥାଶୀଘ୍ର ଚିକିତ୍ସା ସହାୟତା ଯୋଗାଇ ପାରିବେ । ବ୍ଲିଙ୍କଇଟ୍ ସିଇଓ ଅଲବିନ୍ଦର ଢିଣ୍ଡସା Xରେ ଏକ ପୋଷ୍ଟରେ ବିଏଲ୍ଏସ୍ ଆମ୍ବୁଲାନ୍ସ ସେବା ଆରମ୍ଭ କରିବାକୁ ଘୋଷଣା କରିଛନ୍ତି । ତାଙ୍କ କହିବାନୁସାରେ, ବ୍ଲିଙ୍କଇଟ୍ କମ୍ପାନୀ ଭାରତୀୟ ସହରରେ ଦ୍ରୁତ ଏବଂ ନିର୍ଭରଯୋଗ୍ୟ ଆମ୍ବୁଲାନ୍ସ ସେବା ସମସ୍ୟାର ସମାଧାନ କରିବାକୁ ଯୋଜନା କରୁଛି ।

Ambulance in 10 minutes.

We are taking our first step towards solving the problem of providing quick and reliable ambulance service in our cities. The first five ambulances will be on the road in Gurugram starting today. As we expand the service to more areas, you will start… pic.twitter.com/N8i9KJfq4z

— Albinder Dhindsa (@albinder) January 2, 2025

ଯଦିଓ ବର୍ତ୍ତମାନ ଏହି ସେବା କେବଳ ଗୁରୁଗ୍ରାମରେ ଉପଲବ୍ଧ ହୋଇଛି କିନ୍ତୁ କମ୍ପାନୀର ସିଇଓ ତାଙ୍କ ପୋଷ୍ଟ ମାଧ୍ୟମରେ କହିଛନ୍ତି ଯେ ଖୁବଶୀଘ୍ର ଏହି ସେବା ଦେଶର ଅନ୍ୟ ସହର ତଥା ଅଞ୍ଚଳରେ ଆରମ୍ଭ ହେବ । କମ୍ପାନୀ ଯଥାଶୀଘ୍ର ବ୍ଲିଙ୍କଇଟ୍ ଆପ୍ ମାଧ୍ୟମରେ ଦେଶର ଲୋକଙ୍କୁ ଏକ ମୌଳିକ ଜୀବନ ସହାୟତା (ବିଏଲ୍ଏସ୍) ଆମ୍ବୁଲାନ୍ସ ସୁବିଧା ଯୋଗାଇବାକୁ ଲକ୍ଷ୍ୟ ରଖିଛି । ସିଇଓ ସୂଚନା ଦେଇଛନ୍ତି ଯେ ବର୍ତ୍ତମାନ ବ୍ଲିଙ୍କଇଟ୍ ଆମ୍ବୁଲାନ୍ସ ସେବା ମାପଚୁପ ପର୍ଯ୍ୟାୟରେ ଅଛି । କିନ୍ତୁ ଆଗାମୀ 2ବର୍ଷ ମଧ୍ୟରେ ଦେଶର ସମସ୍ତ ପ୍ରମୁଖ ସହରରେ ଏହାକୁ ଲଞ୍ଚ କରାଯିବାକୁ ଯୋଜନା କରାଯାଉଛି ।

ଆମ୍ବୁଲାନ୍ସରେ ରହିବ ଅନେକ ସୁବିଧା

ପ୍ରତି ଆମ୍ବୁଲାନ୍ସରେ ଅକ୍ସିଜେନ ସିଲିଣ୍ଡର, ଏଇଡି, ଷ୍ଟ୍ରେଚର, ମନିଟର୍‌, ସକ୍ସନ ମେସିନ ସହିତ ମେଡିକାଲ ଇମରଜେନ୍ସି ସମୟରେ ବ୍ୟବହାର ହେଉଥିବା ସମସ୍ତ ପ୍ରକାର ଔଷଧ ଓ ଇଞ୍ଜେକ୍ସନ ଭଳି ଅନେକ ଜିନିଷ ଉପଲବ୍ଧ ହେବ । ରୋଗୀଙ୍କ ଆମ୍ବୁଲାନ୍ସରେ ପ୍ରାଥମିକ ଚିକିତ୍ସା ଲାଗି ଏକ ପାରାମେଡିକ୍‌, ଜଣେ ସହଯୋଗୀ ଓ ଜଣେ ଟ୍ରେଣ୍ଡ ଡ୍ରାଇଭର ମଧ୍ୟ ରହିବେ ।

କେତେ ଟଙ୍କା ନେବ Blinkit ?

ଏବେ ପ୍ରଶ୍ନ ଉଠୁଛି, ମାତ୍ର 10 ମିନିଟରେ ଆମ୍ବୁଲାନ୍ସ ସେବା ଯୋଗାଇଦେବା ଲାଗି ବ୍ଲିଙ୍କଇଟ୍‌ କେତେ ଟଙ୍କା ଚାର୍ଜ କରିବ ? ତେବେ ଏଥିଲାଗି କମ୍ପାନୀ ପକ୍ଷରୁ ଏଯାବତ ସଠିକ୍‌ ସୂଚନା ଦିଆଯାଇନାହିଁ । କିନ୍ତୁ ବ୍ଲିଙ୍କଇଟ୍ ସ୍ପଷ୍ଟ କରିଛି ଯେ କମ୍ପାନୀ ଦ୍ବାରା ଆରମ୍ଭ ହୋଇଥିବା ଆମ୍ବୁଲାନ୍ସ ସେବା କମ୍ପାନୀର ଆର୍ଥିକ ଲକ୍ଷ୍ୟ ପୂରଣ କରିବା ପାଇଁ ଉଦ୍ଦିଷ୍ଟ ନୁହେଁ । ବ୍ଲିଙ୍କଇଟ୍ ଆମ୍ବୁଲାନ୍ସ ସେବା ଲୋକମାନଙ୍କ ପାଇଁ ସୁଲଭ ମୂଲ୍ୟରେ ଉପଲବ୍ଧ ହେବ । ଦୀର୍ଘ ଦିନ ଧରି ଚାଲିଆସୁଥିବା ଏହି ଗମ୍ଭୀର ସମସ୍ୟାର ସମାଧାନ କରିବା କମ୍ପାନୀର ଲକ୍ଷ୍ୟ ବୋଲି କୁହାଯାଇଛି ।

ଏହା ବି ପଢନ୍ତୁ