ହାଇଦ୍ରାବାଦ: ପ୍ରସିଦ୍ଧି ସିଙ୍ଗିଙ୍ଗ ରିଆଲିଟି ସିଙ୍ଗିଙ୍ଗ୍ ଶୋ’ ସାରେଗାମାପା ବିଜୟିନୀ ହେଲେ 19 ବର୍ଷିୟା ନୀଲାଞ୍ଜନା ରୟ । ପଶ୍ଚିମବଙ୍ଗର 19 ବର୍ଷିୟା ନୀଲାଞ୍ଜନା ରୟ ସର୍ବାଧିକ ଭୋଟ ପାଇ ‘ସାରେଗାମାପା’ର ଟ୍ରଫି ହାତେଇଛନ୍ତି । ସେ ଏହି ଶୋ’ର ବିଜେତା ହେବା ସହ ତାଙ୍କୁ ନଗଦ ୧୦ ଲକ୍ଷ ଟଙ୍କା ପୁରସ୍କାର ମଧ୍ୟ ମିଳିଛି । ସେହିପରି ରାଜଶ୍ରୀ ପ୍ରଥମ ରନର୍ସ ଅପ୍ ହୋଇଥିବା ବେଳେ ଶରଦ ଶର୍ମା ଦ୍ୱିତୀୟ ରନର୍ସ ଅପ୍ ହୋଇଛନ୍ତି । ରାଜଶ୍ରୀ ଓ ଶରଦଙ୍କୁ ୫ ଲକ୍ଷ ଓ ୩ ଲକ୍ଷ ଟଙ୍କାର ପୁରସ୍କାର ରାଶିରେ ସମ୍ମାନିତ କରାଯାଇଛି। ସମସ୍ତ ପ୍ରତିଯୋଗୀଙ୍କୁ ପଦ୍ମଶ୍ରୀ ଉଦିତ୍ ନାରାୟଣ ପୁରସ୍କୃତ କରିଛନ୍ତି ।
- " class="align-text-top noRightClick twitterSection" data="
">
ଟ୍ରଫି ଜିତିବା ପରେ ନୀଲାଞ୍ଜନା ବେଶ୍ ଖୁସି ଅଛନ୍ତି ଏବଂ ସେ କହିଛନ୍ତି, ମୁଁ ଏହି ଖୁସିକୁ ଭାଷାରେ ବର୍ଣ୍ଣନା କରିପାରୁନାହିଁ । ମୁଁ ବିଶ୍ୱାସ କରିପାରୁ ନାହିଁ ଯେ ଏହି ଅଦ୍ଭୁତ ଯାତ୍ରା ବର୍ତ୍ତମାନ ଶେଷ ହୋଇଛି । ଦର୍ଶକ ଓ ଜଜ୍ଙ୍କର ଏତେ ଭଲ ପାଇବା ଓ ସ୍ନେହ ପାଇ ମୁଁ ବହୁତ ଖୁସି । ନୀଲାଞ୍ଜନା କହିଛନ୍ତି, ଆମ ଜଜ୍, ମେଣ୍ଟର୍ସ ଏବଂ ଆମର ଶୋ’ର ସମସ୍ତ ଜୁରି ସଦସ୍ୟଙ୍କ ଠାରୁ ମୁଁ ବହୁତ କିଛି ଶିଖିବାକୁ ପାଇଲି ।
ପ୍ରାକ୍ଟିସ୍ ସେସନ୍କୁ ସବୁବେଳେ ମିସ୍ କରିବି । ଜି ଟିଭି ତାଙ୍କୁ ନିଜକୁ ପ୍ରମାଣିତ କରିବାକୁ ସୁଯୋଗ ଦେଇଥିବାରୁ ସେ ସବୁ ବେଳେ କୃତଜ୍ଞ ରହିବେ। ଦର୍ଶକଙ୍କୁ ଓ ତାଙ୍କ ଫ୍ୟାନ୍ମାନଙ୍କୁ ବିପୁଳ ସଂଖ୍ୟା ଭୋଟ୍ ଦେଇଥିବାରୁ ସେ ଧନ୍ୟବାଦ ଜଣାଇଛନ୍ତି । ସେ ସାରେଗାମାପାର ବିଜେତା ହୋଇସାରିଥିବା ବିଶ୍ୱାସ କରିପାରୁନାହାନ୍ତି ବୋଲି କହିଛନ୍ତି ।
ସାରେଗାମାପା-୨୦୨୨ର ୬ଜଣ ଟପ୍ ଫାଇନାଲିଷ୍ଟ ଥିଲେ। ନୀଲାଞ୍ଜନା ରୟ, ଶରଦ ଶର୍ମା, ରାଜଶ୍ରୀ ବାଗ, ସଞ୍ଜନା ଭଟ୍ଟ, ଅନନ୍ୟା ଚକ୍ରବର୍ତ୍ତୀ ଏବଂ ସ୍ନିଗ୍ଧଜିତ ଭୌମିକ। ୫ ଜଣଙ୍କ ପଛରେ ପକାଇ ନୀଲାଞ୍ଜନା ଏହି ଟ୍ରଫି ହାତେଇଛନ୍ତି । ଶୋ’ରେ ଜଜ୍ ଶଙ୍କର ମହାଦେବନ୍, ହିମେଶ ରେଶମିୟା ଓ ବିଶାଲ ଦଦଲାନୀ ବି ଗୀତ ଗାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
