ମୁମ୍ବାଇ: ‘ବିଗବସ 14’ ଟ୍ରଫି ଜିତିବା ପରେ ରୁବୀନା ଦିଲୈକ ଏବେ ମ୍ୟୁଜିକ ଭିଡିଓ ଜରିଆରେ ଫ୍ୟାନ୍ସଙ୍କ ମନ କିଣିବାରେ ଲାଗିଛନ୍ତି । ନିକଟରେ ତାଙ୍କର ମ୍ୟୁଜିକ ଭିଡିଓ ‘ମରଜାନିୟା’ ରିଲିଜ ହୋଇଥିଲା । ଯେଉଁଥିରେ ତାଙ୍କ ସହ ନଜର ଆସିଥିଲେ ତାଙ୍କ ସ୍ବାମୀ ତଥା ଅଭିନେତା ଅଭିନବ ଶୁକ୍ଲା । ଆଉ ଏବେ ରିଲିଜ ହୋଇଯାଇଛି ତାଙ୍କ ନୂଆ ମ୍ୟୁଜିକ ଭିଡିଓ ‘ଗଲତ୍’ ।
ଏହି ଦୁଃଖଭରା ଟ୍ରାକରେ ତାଙ୍କ ସହ ନଜର ଆସୁଛନ୍ତି ଅଭିନେତା ପାରସ ଛାବଡା । କିପରି ଜଣେ ପୁଅ ନିଜ ପ୍ରେମରେ ବଡ ଘରର ଝିଅକୁ ଫସାଇ ବିବାହ କରିବା ପରେ ତାଙ୍କୁ ଧୋକା ଦେଉଛନ୍ତି ତାନେଇ ଆଧାରିତ ଗୀତର କାହାଣୀ । ସେହିପରି ଗୀତଟିକୁ ସୁନ୍ଦର ଅନ୍ଦାଜରେ ଗାଇଛନ୍ତି ଗାୟିକା ଆସିସ କୌର ।
ରୁବିନା ଇନଷ୍ଟାଗ୍ରାମରେ ଭିଡିଓ କ୍ଲିପ ସେୟାର କରି ଲେଖିଛନ୍ତି, ‘ଗଲତ୍ ବର୍ତ୍ତମାନ ତୁମର । ଯାହାକୁ ୟୁଟ୍ୟୁବ ଚ୍ୟାନେଲରେ ଦେଖିପାରିବେ । ତୁମର ସ୍ନେହ ଓ ପ୍ରେମ ଗୀତ ପାଇଁ ଆବଶ୍ୟକ ଅଛି । କମେଣ୍ଟରେ ଜଣାଇବେ କେମିତି ଲାଗିଲା ।’ ଦେଖନ୍ତୁ ଗୀତ...
- " class="align-text-top noRightClick twitterSection" data="">
