ମୁମ୍ବାଇ: ବି-ଟାଉନର ଫେମସ ଆକ୍ସନ ନିର୍ଦ୍ଦେଶକ, ପ୍ରଯୋଜକ ରୋହିତ ସେଟ୍ଟୀ ନିକଟରେ ନିଜ ଅପକମିଂ ଫିଲ୍ମ ‘ସୂର୍ଯ୍ୟବଂଶୀ’ର ଦମଦାର ଭିଡିଓ ସେୟାର କରିଥିଲେ । ଯେଉଁଥିରେ ରଣବୀର ସିଂ, ଅଜୟ ଦେବଗନ ଓ ଅକ୍ଷୟ କୁମାର ଏକାଠି ନଜର ଆସିଥିଲେ । ରୋହିତ କେବଳ ଦେଶରେ ନୁହେଁ ବିଦେଶରେ ମଧ୍ୟ ଛାଇଯାଇଛନ୍ତି । ଆଜ୍ଞା ହଁ, ରୋହିତ ଭାରତରେ ରିଲିଜ ହେବାକୁ ଯାଉଥିବା ହଲିଉଡ ଫିଲ୍ମ ‘ବ୍ୟାଡ ବୟଜ ଫର ଲାଇଫ’ ସହ ସମ୍ପୃକ୍ତ ହୋଇଛନ୍ତି ।
ହଲିଉଡର ଫେମସ ଆକ୍ଟର ୱିଲ ସ୍ମିଥ ଓ ମାର୍ଟିନ ଲରେନ୍ସଙ୍କ ଭଳି ଷ୍ଟାର୍ସଙ୍କ ଅଭିନୀତ ଏହି ଫିଲ୍ମ ହଲିଉଡ ଫ୍ରାଞ୍ଚାଇଚିର ତୃତୀୟ ଫିଲ୍ମ । ଯେଉଁଥିରେ ରୋହିତ ନିଜ ବିଦେଶୀ ପୋଲିସ ସହ ଦର୍ଶକଙ୍କୁ ସାକ୍ଷାତ କରାଇଛନ୍ତି । ଏହି ଫିଲ୍ମ ଆସନ୍ତା 31 ତାରିଖରେ ରିଲିଜ ହେବାକୁ ଯାଉଛି ।
ସେପଟେ ଅକ୍ଷୟ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ରୋହିତ କାରରେ ଷ୍ଟଣ୍ଟ କରୁଥିବାର ନଜର ଆସୁଛନ୍ତି । ଚଳନ୍ତା କାରରୁ ବାହାରି ରୋହିତ କହୁଛନ୍ତି, ‘ମୋ ଦେଶୀ ପୋଲିସ ସହ ତ ଆପଣ ସାକ୍ଷାତ କରିସାରିଛନ୍ତି । ଏବେ ସମୟ ଆସିଯାଇଛି ମୋ ବିଦେଶୀ ପୋଲିସ ସହ ସାକ୍ଷାତ କରିବାର ।’ ତାଙ୍କ କଥା ପରେ ୱିଲ ସ୍ମିଥ ଓ ମାର୍ଟିନ ଲରେନ୍ସଙ୍କ ଦମଦାର ଏଣ୍ଟ୍ରି ଦେଖିବାକୁ ମିଳୁଛି ।
‘ଜବରଦସ୍ତ ଆକ୍ସନ ସହ ଆସୁଛନ୍ତି ପୋଲିସ, ବ୍ୟାଡ ବୟଜ ଫର ଲାଇଫ ଆପଣଙ୍କ ନିକଟତମ ସିନେମାଘରେ’ ବୋଲି କହୁଛନ୍ତି ରୋହିତ । ପ୍ରକାଶ ଥାଉକି ଦୀର୍ଘ ସମୟ ପରେ ଅକ୍ଷୟଙ୍କ ସହ ଫିଲ୍ମ ‘ସୂର୍ଯ୍ୟବଂଶୀ’ରେ ସେକ୍ସୀ କ୍ୟାଟ୍ରିନା କୈଫଙ୍କ ରୋମାନ୍ସ ଦେଖିବାକୁ ମିଳିବ । ଫିଲ୍ମକୁ ନେଇ ଏକ୍ସାଇଟେଡ ଦର୍ଶକ । ‘ସିମ୍ବା’ ଫିଲ୍ମ ରିଲିଜ ସହ ଏହି ଫିଲ୍ମର ଘୋଷଣା ଗତ ବର୍ଷ ହୋଇଥିଲା ।
