ହାଇଦ୍ରାବାଦ: ଆସୁଛି ‘ବାଗୀ’ର ତୃତୀୟ ସିରିଜ । ଟାଇଗର ଶ୍ରଫଙ୍କ ସୁପରହିଟ ଫିଲ୍ମ ବାଗୀରେ ଏଥର ଦେଖିବାକୁ ମିଳିବ ରିତେଶ ଦେଶମୁଖଙ୍କୁ । ସାଜିଦ ନଡିଆଡୱାଲାଙ୍କ ସହ ରିତେଶଙ୍କର ଏହା ଷଷ୍ଠ ଫିଲ୍ମ ।
ତେବେ ଏହି ସୂଚନା ଦେଇଛନ୍ତି ଅଭିନେତ୍ରୀ ଶ୍ରଦ୍ଧା କପୁର । ‘ଏକ ଭିଲିଆନ’ପରେ ରିତେଶଙ୍କ ସହ ପୁଣି କାମ କରିବେ ଶ୍ରଦ୍ଧା କପୁର । ଏଥିପାଇଁ ଶ୍ରଦ୍ଧା ବହୁତ ଖୁସି ଅଛନ୍ତି । ତେବେ ରିତେଶ କେଉଁ ଚରିତ୍ରରେ ନଜର ଆସିବେ ସେ ନେଇ କୌଣସି ସୂଚନା ମିଳିପାରିନାହିଁ ।
ବାଗୀର ପ୍ରଥମ ସିରିଜରେ ଟାଇଗରଙ୍କ ସହ ଶ୍ରଦ୍ଧା ରୋମାନ୍ସ କରିଥିବା ବେଳେ ଦ୍ବିତୀୟ ସିରିଜରେ ଦିଶା ପଟ୍ଟାନି ନଜର ଆସିଥିଲେ । ତେବେ ତୃତୀୟ ସିରିଜରେ ପୁଣି ଶ୍ରଦ୍ଧା କପୁର ଫେରିଛନ୍ତି । ଫିଲ୍ମଟି 2020 ମାର୍ଚ୍ଚ 6ରେ ରିଲିଜ ହୋଇପାରେ ।
