ହାଇଦ୍ରାବାଦ: ଅନୁପମ ଖେର ଅଭିନିତ ଥ୍ରିଲର ଫିଲ୍ମ ୱାନ ଡେର ଟ୍ରେଲର ରିଲିଜ ହୋଇଛି । ଟ୍ରେଲରର ଆରମ୍ଭରେ ଅନୁପମ ଖେରଙ୍କ ଡାଏଲଗ ଶୁଣିବାକୁ ମିଳିଛି ।
ଭିଡିଓ ସୌଜନ୍ୟ: ୟୁଟ୍ୟୁବ
ଏଥିରେ ଅନୁପମ ଖେରଙ୍କୁ ଅବସରପ୍ରାପ୍ତ ବିଚାରପତି ଭୁମିକାରେ ଦେଖିବାକୁ ମିଳିବ । ଅନୁପମଙ୍କ ବ୍ୟତିତ ମୁଖ୍ୟ ଚରିତ୍ରରେ ଇଶା ଗୁପ୍ତା ନଜର ଆସିବେ । ତାଙ୍କୁ ଏଥିରେ ପୋଲିସ ଚରିତ୍ରରେ ଦେଖିବାକୁ ମିଳିବ ।
ଫିଲ୍ମର କାହାଣୀରେ ସସପେନ୍ସ ଥିବା ସହ ଅନୁପମଙ୍କୁ ବମ ବ୍ଲାଷ୍ଟ ବିଷୟରେ କଥା ହେଉଥିବାର ଦେଖିବାକୁ ମିଳିଛି । ତେବେ ଏହାର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଅଶୋକ ନନ୍ଦ ଓ ପ୍ରଯୋଜନା କରିଛନ୍ତି କେତନ ପଟେଲ ଓ ସ୍ବାତୀ ସିଂହ ।
ତେବେ ଫିଲ୍ମର ପୋଷ୍ଟର ଫେବୃଆରୀ ମାସରେ ରିଲିଜ ହୋଇଥିଲା । ଟ୍ରେଲର ରିଲିଜ ହେବା ପରେ ଅନୁପମ ନିଜ ଟ୍ବିଟରରେ ଏହାକୁ ସେୟାର କରିଥିଲେ ।
