ମୁମ୍ବାଇ: ରିୟାଲିଟି ଶୋ ‘ବିଗବସ ସିଜନ 13’ର ପ୍ରତିଯୋଗୀ ରୂପେ ନଜର ଆସିଥିବା ମାହିରା ଶର୍ମା ବର୍ତ୍ତମାନ ମ୍ୟୁଜିକ ଭିଡିଓରେ ଖୁବ୍ ନଜର ଆସୁଛନ୍ତି । ଆଉ ଖୁବଶୀଘ୍ର ରିଲିଜ ହେବାକୁ ଯାଉଛି ତାଙ୍କ ନୂଆ ମ୍ୟୁଜିକ ଭିଡିଓ । ଯେଉଁଥିରେ ତାଙ୍କ ସହ ନଜର ଆସିବେ ପଞ୍ଜାବୀ ସିଙ୍ଗର କରନ ଓଜଲା । ଏଯାବତ ଏହି ମ୍ୟୁଜିକ ଭିଡିଓର ଟାଇଟେଲର ଖୁଲାସା କରିନାହାଁନ୍ତି ମେକର୍ସ ।
ହେଲେ ଏହି ଦୁଇଷ୍ଟାର ଭିଡିଓ ଅଧା ସୁଟିଂ ଶେଷ କରିସାରିଲେଣି । ସେପଟେ ସୋସିଆଲ ମିଡିଆରେ ମାହିରା ଏବଂ କରନଙ୍କ ଫ୍ୟାନ୍ସ ଫଲୋଇଂ ଆକାଶ ଛୁଆଁ । ଏଥିପାଇଁ ନୂଆ ଭିଡିଓକୁ ନେଇ ଏକ୍ସାଇଡେଟ ସମସ୍ତେ ।
ମାହିରା ସୁଟିଂ ବିଷୟରେ ଆଲୋଚନା କରି କହିଛନ୍ତି, ‘କରନ ଆଉ ମୁଁ ମଙ୍ଗଳବାର ଏହି ମ୍ୟୁଜିକ ଭିଡିଓରେ ସୁଟିଂ ଶେଷ କରିବାକୁ ଯାଉଛି । କରନଙ୍କ ସହ କାମ କରି ମତେ ବହୁତ ଖୁସି ଅନୁଭବ ହେଉଛି । ସଙ୍ଗୀତ ବିଷୟରେ ତାଙ୍କର ବୁଝିବା ଶକ୍ତି ଅତୁଳନୀୟ । ସେ ଆଜି ଏବଂ ଭବିଷ୍ୟତ ବିଗ୍ ଷ୍ଟାର ।’
ପ୍ରକାଶ ଥାଉକି ଏହାପୂର୍ବରୁ କରନ ‘ସିକନ୍ଦର’, ‘2 ଏଏମ୍’, ‘ଝାଞ୍ଜର’ ଭଳି ମ୍ୟୁଜିକ ଭିଡିଓରେ କାମ କରିସାରିଛନ୍ତି ।
@IANS
