ମୁମ୍ବାଇ: 2018ରେ କିଙ୍ଗ ଖାନ ଶାହରୁଖ ଖାନଙ୍କ ଫିଲ୍ମ 'ଜିରୋ'କୁ କଡା ଟକ୍କର ଦେଇ ବକ୍ସ ଅଫିସରେ ରାଜ କରିଥିବା ସାଉଥର ହିଟ୍ ଫିଲ୍ମ 'କେଜିଏଫ'ର ଦ୍ବିତୀୟ ଭାଗ ଦେଖିବା ପାଇଁ ଦର୍ଶକ ଅପେକ୍ଷା କରିବସିଛନ୍ତି । ଯାହାର କାମ ବର୍ତ୍ତମାନ ଜୋରସୋରରେ ଚାଲିଛି । ଇତିମଧ୍ୟରେ ଶୁଣିବାକୁ ମିଳୁଛି ଯେ ଏହି ଫିଲ୍ମରେ ବଲିଉଡର ଜଣେ ଅଭିନେତ୍ରୀଙ୍କ ଏଣ୍ଟ୍ରି ହୋଇଛି । ଆଜ୍ଞା ହଁ, ଫିଲ୍ମରେ ସମ୍ପୃକ୍ତ ହୋଇଛନ୍ତି ରବୀନା ଟଣ୍ଡନ । ଜଣାଇ ଦେଉଛୁ ଯେ ଏହାର ପୂର୍ବ ଫିଲ୍ମରେ ବି-ଟାଉନର ଅଭିନେତ୍ରୀ ମୌନୀ ରୟ ମଧ୍ୟ ନଜର ଆସିଥିଲେ ।
ଏବେ ଏହି ଖବର ଜୋର ଧରିଛି ଯେ 'କେଜିଏଫ'ର ସେକେଣ୍ଡ ପାର୍ଟରେ ରବୀନା ଦେଖାଯିବେ । ହୁଏତଃ ସେ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିପାରନ୍ତି । ଖାଲି ଏତିକି ନୁହେଁ ଏହା ମଧ୍ୟ ଶୁଣିବାକୁ ମିଳୁଛି ଯେ ରବୀନା ଫିଲ୍ମର ସୁଟିଂ ମଧ୍ୟ ଆରମ୍ଭ କରିଦେଇଛନ୍ତି । ଏବେ ଫିଲ୍ମ ରିଲିଜ ହେଲା ପରେ ହିଁ ଜଣାପଡିବ ରବୀନା କେଉଁ ଭୂମିକାରେ ଅଭିନୟ ଫିଲ୍ମରେ କରୁଛନ୍ତି ।
ଯଦି ଫିଲ୍ମ ବିଷୟରେ କଥା ହେବା ତେବେ 2018ରେ ରିଲିଜ ହୋଇଥିବା 'କେଜିଏଫ'ରେ ୟଶ ଜବରଦସ୍ତ ଅଭିନୟ କରି ଦର୍ଶକଙ୍କ ମନ କିଣିବାରେ ସଫଳ ହୋଇଥିଲେ । ଏହାସହ ବକ୍ସ ଅଫିସରେ ଫିଲ୍ମଟି ଅନେକ ରେକର୍ଡ ମଧ୍ୟ ସୃଷ୍ଟି କରିଥିଲା । ପ୍ରଥମ ଭାଗ ପରେ ଦର୍ଶକ ଏହାର ଦ୍ବିତୀୟ ଭାଗକୁ ଦେଖିବାକୁ ଖୁବ୍ ଉତ୍ସାହିତ ଅଛନ୍ତି ।
