ମୁମ୍ବାଇ: ନିଜ ଫେଭରେଟ ଷ୍ଟାରଙ୍କ ଦୁଃଖ ସୁଖରେ ଫ୍ୟାନ୍ସ ସବୁବେଳେ ସାମ୍ନାକୁ ଆସିଥାଆନ୍ତି । ଏମିତି ବହୁତ କମ ଦେଖିବାକୁ ମିଳିଥାଏ କି ଫ୍ୟାନ୍ସଙ୍କ ଦୁଃଖରେ ମଧ୍ୟ ଷ୍ଟାର୍ସ ଦୁଃଖି ହୁଅନ୍ତି । ବି-ଟାଉନର ଖିଲଜୀ ରଣବୀର ସିଂ ତାଙ୍କ ଫ୍ୟାନ ଜତିନ ଦୁଲେରାଙ୍କ ଆକସ୍ମିକ ମୃତ୍ୟୁରେ ଭାଙ୍ଗି ପଡିଛନ୍ତି । ଜତିନ ବାଥରୁମରେ ପଡିଯିବାରୁ ତାଙ୍କର ମୃତ୍ୟୁ ଘଟିଛି ।
ରଣବୀର ଏହି ଦୁଃଖଦ ଖବର ଶୁଣିବା ମାତ୍ରେ ତାଙ୍କ ଆତ୍ମାର ଶାନ୍ତି ପାଇଁ ସୋସିଆଲ ମିଡିଆରେ ପ୍ରାର୍ଥନା କରିଛନ୍ତି । ସେ ନିଜ ଇନଷ୍ଟାଷ୍ଟୋରୀରେ ଜତିନ ଏବଂ ନିଜର ଅନେକ ଫଟୋ ସେୟାର କରି RIP ଲେଖିଛନ୍ତି ।
ଅନ୍ୟପଟେ ଜଣେ ଫଟୋଗ୍ରାଫର ନିଜ ଇନଷ୍ଟାଗ୍ରାମରେ ଜତିନଙ୍କ ମୃତ୍ୟୁ ବିଷୟରେ ସୂଚନା ଦେଇ ଲେଖିଥିଲେ କି ଜତିନ ରଣବୀର ସିଂଙ୍କ ବଡ ଫ୍ୟାନ ଥିଲେ । ବାଥରୁମରେ ହଠାତ୍ ପଡିଯିବାକୁ ତାଙ୍କର ମୃତ୍ୟୁ ଆଜି ସକାଳେ ଘଟିଛି ।
