ନୂଆଦିଲ୍ଲୀ: ବି-ଟାଉନର ସିମ୍ବା ରଣଭୀର ସିଂହ ଏବେ ନିଜର ଆଗାମୀ ଫିଲ୍ମ '83'ର ସୁଟିଂ ପାଇଁ ପ୍ରସ୍ତୁତ ହୋଇସାରିଲାଣି । ସେ ଏହି ଫିଲ୍ମରେ ଭାରତୀୟ କ୍ରିକେଟର କିମ୍ବଦନ୍ତୀ କପିଲ ଦେବଙ୍କ ଭୂମିକାରେ ନଜର ଆସିବେ । ଯାହା ପାଇଁ ଏବେ ଠାରୁ ସେ ନିଜ ପ୍ରସ୍ତୁତି ଆରମ୍ଭ କରିଦେଇଛନ୍ତି । ଫିଲ୍ମ ପାଇଁ ସେ ଆଗାମୀ 10 ଦିନ ପର୍ଯ୍ୟନ୍ତ ଦିଲ୍ଲୀରେ ରହିବାକୁ ଯାଉଛନ୍ତି ।
ଆଜ୍ଞା ହଁ, '83' ପାଇଁ ସେ କପିଲଙ୍କ ଠାରୁ ସବୁକିଛି ଟ୍ରେନିଂ ନେବାକୁ ଆରମ୍ଭ କରିଦେଇଛନ୍ତି । ଯାହାଦ୍ବାରା ସେ ଫିଲ୍ମରେ ନିଜ ଭୂମିକା ସହ ଫିଟ୍ ହୋଇପାରିବେ ।
ପ୍ରକାଶ ଥାଉକି, ରଣଭୀର ସବୁବେଳେ ନିଜ ଭୂମିକାକୁ ନେଇ ସିରିୟସ ଥାନ୍ତି । ଯଦି ଆପଣ ତାଙ୍କ ପୂର୍ବ ଫିଲ୍ମ ଦେଖି ତେବେ ଜାଣପାରିବେ ଯେ ସେ ନିଜ ଭୂମିକାକୁ ନେଇ କେତେ ଗମ୍ଭୀର ଥାନ୍ତି ।
ଜଣାଇ ଦେଉଛୁ ଯେ, ଫିଲ୍ମ '83'ର କାହାଣୀ 1983 କ୍ରିକେଟ ବିଶ୍ବକପ ଉପରେ ଆଧାରିତ । ଯେଉଁଥିରେ ପ୍ରଥମଥର ଭାରତ ବିଶ୍ବକପ ନିଜ ନାଁରେ କରିବାରେ ସଫଳ ହୋଇଥିଲା । ଏହି ବିଶ୍ବକପରେ କ୍ୟାପ୍ଟେନ କପିଲ ଥିଲେ । ତେଣୁ ରଣଭୀର, କପିଲଙ୍କ ଠାରୁ ସେହି ସମୟର ସବୁ କଥାକୁ ସଠିକ୍ ଭାବେ ଜାଣିବା ପାଇଁ ତାଙ୍କ ଠାରୁ ଟ୍ରେନିଂ ନେବାକୁ ଚାହୁଁଛନ୍ତି ।
