ହାଇଦ୍ରାବାଦ: ବଲିଉଡର ବାଜିରାଓ ବା ରଣବୀର ସିଂହ ୟଶରାଜ ବ୍ୟାନରରେ ବହୁତ ଜଲଦି କାମ କରିବେ । ୟଶରାଜ ବ୍ୟାନରର ପ୍ରାୟ ତିନୋଟି ଫିଲ୍ମ ଏବେ ତାଙ୍କ ହାତରେ । ସେଥିମଧ୍ୟରୁ ଗୋଟେ ସୁପରହିରୋ ଫିଲ୍ମ । ଫିଲ୍ମଟି ବଡ ଆକାରରେ ତିଆରି ପାଇଁ ଯୋଜନା ଚାଲିଛି । ଅନ୍ୟଟି ମନିଷ ଶର୍ମାଙ୍କ ନିର୍ଦ୍ଦେଶନାରେ ଏକ ସଂଗୀତଭିତ୍ତିକ ଫିଲ୍ମ ତିଆରି କରାଯିବ ।
ରଣବୀର ଏବେ 83 ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ଏହାପରେ ସେ 'ତଖ୍ତ' ଫିଲ୍ମର ସୁଟିଂ ଆରମ୍ଭ କରିବେ । ସେପ୍ଟେମ୍ବର 2019ରେ ଆରମ୍ଭ କରି ମାର୍ଚ୍ଚ 2020ପର୍ଯ୍ୟନ୍ତ ସୁଟିଂ ଚାଲିବ । ତେବେ ଏସବୁ ସୁଟିଂ ସାରିବା ପରେ ହିଁ ବାକି ଫିଲ୍ମର ସୁଟିଂ ଆରମ୍ଭ କରିବେ ।
ଏବେ ରଣବୀର 83 ପାଇଁ କପିଲ ଦେବଙ୍କଠୁ କ୍ରିକେଟର ଟ୍ରେନିଂ ନେଉଛନ୍ତି । ଏହି ଫିଲ୍ମଟି 1983ରେ ଭାରତ ଜିତିଥିବା ପ୍ରଥମ କ୍ରିକେଟ ୱାଲ୍ଡ କପ୍ ଉପରେ ଆଧାରିତ । ଫିଲ୍ମରେ ରଣବୀରଙ୍କୁ ହିନ୍ଦୀ ସହ ତାମିଲ ଓ ତେଲୁଗୁ କହୁଥିବାର ଦେଖିବାକୁ ମିଳିବ । ତେବେ 10 ଅପ୍ରିଲ 2020ରେ 83 ରିଲିଜ ହେବ ।
