ହାଇଦ୍ରାବାଦ: ବଲିଉଡ ଅଭିନେତ୍ରୀ ରାଣୀ ମୁଖାର୍ଜୀ ଫିଲ୍ମ ଇଣ୍ଡଷ୍ଟ୍ରିର ଜଣେ ସଫଳ ଅଭିନେତ୍ରୀ । ବଲିଉଡର ପ୍ରସିଦ୍ଧ ଅଭିନେତ୍ରୀମାନଙ୍କ ମଧ୍ୟରେ ଅନ୍ୟତମ ରାଣୀ ମୁଖାର୍ଜୀ କେବଳ ନିଜ ଅଭିନୟ ପାଇଁ ଜଣାଶୁଣା ନୁହଁନ୍ତି ବରଂ ସେ ନିଜ ଫିଟନେସ୍ ଓ ଫ୍ୟାଶନ୍ ପାଇଁ ଇଣ୍ଡଷ୍ଟ୍ରିରେ ମଧ୍ୟ ପ୍ରସିଦ୍ଧ । ରାଣୀ ମୁଖାର୍ଜୀ ଚଳଚ୍ଚିତ୍ରରେ ଗୋଟିଏ ପରେ ଗୋଟିଏ ହିଟ ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି । ରାଣୀ ଆଜି ତାଙ୍କର 44 ତମ ଜନ୍ମଦିନ ପାଳନ କରୁଛନ୍ତି । ଚଳଚ୍ଚିତ୍ରରେ ଅଭିନେତ୍ରୀ ରାଣୀ ମୁଖାର୍ଜୀ ଶାହାରୁଖ ଖାନ, ସଲମାନ ଖାନ, ଆମୀର ଖାନ ଏବଂ ସୈଫ ଅଲି ଖାନଙ୍କ ପରି ଅଭିନେତାମାନଙ୍କ ସହ ରୋମାନ୍ସ କରିଥିଲେ। କିନ୍ତୁ ଅଭିନେତ୍ରୀ କୌଣସି ଅଭିନେତା ନୁହଁନ୍ତି ଚଳଚ୍ଚିତ୍ର ନିର୍ମାତା ଆଦିତ୍ୟ ଚୋପ୍ରାଙ୍କୁ ବାସ୍ତବ ଜୀବନରେ ନିଜ ସାଥୀ ରୂପେ ବାଛିଥିଲେ ।
ଲାଇମଲାଇଟ୍ ଠାରୁ ଦୂରରେ ରୁହନ୍ତି ରାଣୀ
ରାଣୀ ମୁଖାର୍ଜୀ ଏବଂ ଆଦିତ୍ୟ ଚୋପ୍ରାଙ୍କ ବିବାହକୁ ଦୀର୍ଘ ଦିନ ହେଲାଣି । ଉଭୟ ଲାଇମଲାଇଟ୍ ଠାରୁ ଦୂରରେ ରୁହନ୍ତି ଏବଂ ସେମାନଙ୍କର ବିବାହ ଜୀବନର ଗୋପନୀୟତାର ସମ୍ପୂର୍ଣ୍ଣ ଧ୍ୟାନ ରଖନ୍ତି । କିନ୍ତୁ ଦମ୍ପତିଙ୍କ ପ୍ରେମ କାହାଣୀ ମଧ୍ୟ ବହୁତ ରୋମାଣ୍ଟିକ୍ । 1998 ମସିହାରେ ରାଣୀ ମୁଖାର୍ଜୀ 'ରାଜା କି ଆଏଗି ବାରାତ୍' ଚଳଚ୍ଚିତ୍ରରେ ନଜର ଆସିଥିଲେ । ଏହି ଚଳଚ୍ଚିତ୍ରରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଇଥିଲା । ସେ ତାଙ୍କର ପ୍ରଥମ ଚଳଚ୍ଚିତ୍ର ମାଧ୍ୟମରେ ପ୍ରଶଂସକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ତିଆରି କରିପାରିଥିଲେ । ଏହି ତାଲିକାରେ ଆଦିତ୍ୟ ଚୋପ୍ରାଙ୍କ ନାମ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା । ରାଣୀଙ୍କ ଛୋଟ ଉଚ୍ଚତା ଏବଂ ବାକି ଅଭିନେତ୍ରୀଙ୍କ ଠାରୁ ଭିନ୍ନ ସ୍ବର ସତ୍ତ୍ବେ ସେ ବହୁତ ଭଲ କାମ କରିଥିଲେ ।
ରାଣୀଙ୍କ ଉପରେ ଫିଦା ହୋଇଯାଇଥିଲେ ଆଦିତ୍ୟ
ରାଣୀଙ୍କ ପ୍ରଥମ ଚଳଚ୍ଚିତ୍ରରୁ ହିଁ ଆଦିତ୍ୟ ତାଙ୍କ ଦିଓ୍ବାନା ହୋଇଯାଇଥିଲେ । ଏହା ପରେ ରାଣୀଙ୍କ କୁଛ କୁଛ ହୋତା ହୈ ରିଲିଜ ହେଲା । କୁଛ କୁଛ ହୋତା ହୈରେ ତାଙ୍କ ଭୂମିକା ଦେଖିବାକୁ ରାଣୀ ଆଦିତ୍ୟଙ୍କୁ ଅନୁରୋଧ କରିଥିଲେ । ଏହି ଚଳଚ୍ଚିତ୍ରରେ ଆଦିତ୍ୟ ରାଣୀଙ୍କ ଅନ୍ଦାଜକୁ ବହୁତ ପସନ୍ଦ କରିଥିଲେ । ସେବେଠାରୁ ଦୁହେଁ ଭଲ ବନ୍ଧୁ ହୋଇଗଲେ । କିନ୍ତୁ ସେତେବେଳେ ଆଦିତ୍ୟ ରାଣୀଙ୍କୁ କେବଳ ବୃତ୍ତିଗତ ସ୍ତର ପର୍ଯ୍ୟନ୍ତ ପସନ୍ଦ କରୁଥିଲେ । ରାଣୀ ବି ଆଦିତ୍ୟଙ୍କ ବ୍ୟକ୍ତିଗତ ଜୀବନରେ ଏଣ୍ଟ୍ରି କରିନଥିଲେ । ଆଦିତ୍ୟ 2001 ମସିହାରେ ପାୟଲ ଖାନ୍ନାଙ୍କୁ ବିବାହ କରିଥିଲେ । ଏହି ବିବାହ 8 ବର୍ଷ ପର୍ଯ୍ୟନ୍ତ ତିଷ୍ଠି ରହିଥିଲା । 2009 ମସିହାରେ ଆଦିତ୍ୟ ଏବଂ ପାୟଲ ଛାଡପତ୍ର ଦେଇଥିଲେ।
ରାଣୀଙ୍କ ସିକ୍ରେଟ ମ୍ୟାରେଜ
ଧିରେ ଧିରେ ଆଦିତ୍ୟ ଏବଂ ରାଣୀଙ୍କ ମଧ୍ୟରେ ଭଲପାଇବା ଗଢି ଉଠିଥିଲା ଏବଂ ସେମାନଙ୍କର ବନ୍ଧୁତା ଆହୁରି ଗଭୀର ହେବାକୁ ଲାଗିଲା । ପାୟଲଙ୍କ ସହିତ ଛାଡପତ୍ରର 5 ବର୍ଷ ପରେ ଆଦିତ୍ୟ ରାଣୀଙ୍କୁ ବିବାହ କରିବାକୁ ନିଷ୍ପତ୍ତି ନେଇଥିଲେ । 2014ରେ, ଦୁହେଁ ଇଟାଲୀରେ ବିବାହ କରିଥିଲେ । ବହୁତ ଘନିଷ୍ଠ ଲୋକ ଏଥିରେ ଯୋଗ ଦେଇଥିଲେ ଏବଂ ଏହା ଏକ ସିକ୍ରେଟ ମ୍ୟାରେଜ ଥିଲା । 1998ରେ ରାଣୀଙ୍କ ଅଭିନୟ ଦ୍ୱାରା ଆଦିତ୍ୟ ପ୍ରଥମେ ପ୍ରଭାବିତ ହୋଇଥିଲେ । କିନ୍ତୁ ଉଭୟ 17 ବର୍ଷ ପରେ ବିବାହ କରିଥିଲେ । ତାଙ୍କର ଏକମାତ୍ର ଝିଅ ହେଉଛନ୍ତି ଆଦିରା ଚୋପ୍ରା ।
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ, 2014 ରେ, ଯେତେବେଳେ ରାଣୀ ବିବାହ କରିଥିଲେ, ସେତେବେଳେ ତାଙ୍କ ଫିଲ୍ମ ମର୍ଦାନୀ ମୁକ୍ତିଲାଭ କରିଥିଲା । ଏହା ପରେ ସେ 4 ବର୍ଷର ବିରତି ନେଇଥିଲେ ଏବଂ 2018 ମସିହାରେ ସେ 'ହିଚକି' ଚଳଚ୍ଚିତ୍ର ମାଧ୍ୟମରେ କମବ୍ୟାକ୍ କରିଥିଲେ । ଏହା ପରେ ସେ ମର୍ଦାନି-୨ରେ ଅଭିନୟ କରିଛନ୍ତି । 2021 ମସିହାରେ ସେ ସୈଫ ଅଲି ଖାନଙ୍କ ସହ ବଣ୍ଟି ଔର ବବଲି 2ରେ ଅଭିନୟ କରିଥିଲେ । ଅଭିନେତ୍ରୀ ପୁଣିଥରେ ଚଳଚ୍ଚିତ୍ରକୁ ପ୍ରତ୍ୟାବର୍ତ୍ତନ କରୁଛନ୍ତି ଏବଂ ଏହି ସମୟରେ ତାଙ୍କର ଏକ ପ୍ରୋଜେକ୍ଟ ଅଛି । ସେ Mrs Chatterjee Vs Norwayର ଏକ ଅଂଶ ହେବାକୁ ଯାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
