ମୁମ୍ବାଇ: ଲୋକପ୍ରିୟ ଅଭିନେତ୍ରୀ କଙ୍ଗନା ରଣାୱତଙ୍କ ଆଜି 33ତମ ଜନ୍ମଦିନ। ଏହି ଖାସ୍ ଅବସରରେ ତାଙ୍କ ଭଉଣୀ ରଙ୍ଗୋଲୀ ଚାନ୍ଦେଲ ତାଙ୍କୁ ସ୍ପେଶାଲ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି। ସେ ଟ୍ବିଟରରେ କଙ୍ଗନାଙ୍କ 90 ଦଶକର ଫଟୋ ସେୟାର କରିଛନ୍ତି। ଯେଉଁଥିରେ କଙ୍ଗନାଙ୍କ ପିଲାବେଳ ଦେଖିବାକୁ ମିଳୁଛି।
ଫଟୋକୁ ସେୟାର କରି ରଙ୍ଗୋଲୀ ତାଙ୍କୁ ବର୍ଥଡେ ୱିଶ କରି ଲେଖିଛନ୍ତି, ‘ହାପି ବର୍ଥଡେ ଛୋଟୁ।’ ଫଟୋରେ କଙ୍ଗନାଙ୍କ ପିତା ସବୁ ପିଲାଙ୍କୁ ପାଠ ପଢାଉଥିବାର ନଜର ଆସୁଛନ୍ତି। ଫଟୋରେ ତିନି ଭାଇ, ଭଉଣୀ ଘର ପିଣ୍ଡାରେ ବସି ପାଠ ପଢୁଥିବାର ଦେଖାଯାଉଛନ୍ତି।
ପ୍ରକାଶ ଥାଉକି ଏହି ସମୟରେ କଙ୍ଗନା ନିଜ ପରିବାର ସହ ମନାଲୀରେ ଅଛନ୍ତି। କୋରୋନା ଭାଇରସ ଆତଙ୍କକୁ ଦୃଷ୍ଟିରେ ରଖି କଙ୍ଗନା ନିକଟରେ ନିଜ ଘରକୁ ଚାଲିଯାଇଥିଲେ। ତାଙ୍କ ପରି ଅନେକ କଳାକାର ବର୍ତ୍ତମାନ ନିଜ ନିଜ ଘରେ ସମୟ ବିତାଉଛନ୍ତି।
