ମୁମ୍ବାଇ: ହ୍ୟାଣ୍ଡସମ ହଙ୍କ ରଣଦୀପ ହୁଡ୍ଡା ଫିଲ୍ମ ନିର୍ମାତା ସଞ୍ଜୟ ଲୀଲା ବଂଶାଲୀଙ୍କ ଆଗାମୀ ଫିଲ୍ମରେ ନଜର ଆସିବାକୁ ଯାଉଛନ୍ତି । ଫିଲ୍ମରେ ସେ ଜଣେ ପୋଲିସ ଅଧିକାରୀ ଭୂମିକାରେ ଅଭିନୟ କରିବେ । ଏହା ଏକ ସାମାଜିକ ପ୍ରେରିତ ହାସ୍ୟ-ଥ୍ରିଲର ଫିଲ୍ମ ହେବ ।
ରଣଦୀପ ପ୍ରଥମଥର ଭିନ୍ନ ଅବତାରରେ ନଜର ଆସିବେ । ଏହା ଦବଙ୍ଗ ଷ୍ଟାଇଲ ପୋଲିସ ଅଫିସର ଭଳି ହେବ ନାହିଁ । ଏବେ ଫିଲ୍ମ ପାଇଁ ମୁଖ୍ୟ ଅଭିନେତ୍ରୀଙ୍କ ଚୟନ ପ୍ରକ୍ରିୟା ଚାଲିଛି ।
ଅନ୍ୟପଟେ ବଲବିନ୍ଦର ସିଂହ ଜାଞ୍ଜୁଆ ଏହି ଫିଲ୍ମରେ ନିର୍ଦ୍ଦେଶନା କରିବେ । ସେପ୍ଟେମ୍ବର କିମ୍ବା ଅକ୍ଟୋବରରେ ଫିଲ୍ମ କାମ ଆରମ୍ଭ ହେବାକୁ ଯାଉଥିବା ବେଳେ ଆସନ୍ତା ବର୍ଷ ମାର୍ଚ୍ଚ ପର୍ଯ୍ୟନ୍ତ ଏହି ଫିଲ୍ମ ପ୍ରଦର୍ଶିତ ହେବାର ସମ୍ଭାବନା ରହିଛି ବୋଲି ସୂତ୍ରରୁ ଜଣାପଡିଛି ।
ଏହା ବ୍ୟତୀତ ରଣଦୀପ ନିଜର ଆଗାମୀ ଫିଲ୍ମକୁ ନେଇ ଖୁବ୍ ବ୍ୟସ୍ତ ଅଛନ୍ତି । ସେ ସାରାଗଢୀ ଯୁଦ୍ଧ ଉପରେ ନିର୍ମିତ ଫିଲ୍ମରେ କାମ କରୁଛନ୍ତି । ଯାହା ଖୁବ୍ ଶୀଘ୍ର ରିଲିଜ ହେବାକୁ ଯାଉଛି ।
