ନୂଆଦିଲ୍ଲୀ: ବୁଧବାର ସକାଳେ ଅଭିନେତା ରଣଦୀପ ହୁଡାଙ୍କୁ ମୁମ୍ବାଇର ବ୍ରେକ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ଯେଉଁଠାରେ ସେ ପାଦ ସର୍ଜରୀ କରିଥିଲେ । ରଣଦୀପଙ୍କ ପରିବାର ଏପର୍ଯ୍ୟନ୍ତ ସର୍ଜରୀ ବିଷୟରେ କିଛି ପ୍ରକାଶ କରି ନାହାଁନ୍ତି ।
ଆଜି ରଣଦୀପଙ୍କ ପିତା ଡଃ. ରଣବୀର ହୁଡା ଏକ ବାର୍ତ୍ତା ମାଧ୍ୟମରେ କହିଛନ୍ତି, ଆପଣ ସମସ୍ତଙ୍କ ପ୍ରାର୍ଥନା ଏବଂ ଆର୍ଶୀବାଦ ପାଇଁ ସମସ୍ତଙ୍କୁ ଧନ୍ୟବାଦ । ଗତକାଲି ରଣଦୀପଙ୍କର ସର୍ଜରୀ କରାଯାଇଥିଲା । ବର୍ତ୍ତମାନ ସେ ସୁସ୍ଥ ଅଛନ୍ତି ଏବଂ ଶୀଘ୍ର ଡିସଚାର୍ଜ ମଧ୍ୟ ହେବେ । ଏଥିସହିତ ତାଙ୍କର କୋଭିଡ-19 ପରୀକ୍ଷା ମଧ୍ୟ କରାଯାଇଥିଲା, ଯାହାର ରିପୋର୍ଟ ନେଗେଟିଭ ଆସିଛି । ତେଣୁ ଆମେ ତାଙ୍କୁ ଶୀଘ୍ର ଘରକୁ ନେଇଯିବୁ ।
ଅଭିନେତାଙ୍କ ଜଣେ ଘନିଷ୍ଠ ବନ୍ଧୁ ଗତକାଲି ସୂଚନା ଦେଇଥିଲେ ଯେ, ମଙ୍ଗଳବାର ରାତିରେ ରଣଦୀପ ଯନ୍ତ୍ରଣା ଅନୁଭବ କରିଥିଲେ ଏବଂ ତାଙ୍କ ସ୍ବାସ୍ଥ୍ୟ ଅବସ୍ଥା ଭଲ ନ ଥିବାରୁ ସେ ଗତକାଲି ସକାଳେ ଡାକ୍ତରଖାନା ଯାଇଥିଲେ । ମୁଁ ବନ୍ଧୁଙ୍କ ଶୀଘ୍ର ଆରୋଗ୍ୟ କାମନା କରୁଛି ।
