ହାଇଦ୍ରାବାଦ: ଶ୍ରଦ୍ଧା କପୁରଙ୍କୁ ଶେଷ ଥର ପାଇଁ ବଡ ପରଦାରେ ଦେଖିବାର କିଛି ସମୟ ହୋଇଗଲାଣି । ଅଭିନେତ୍ରୀଙ୍କ ପ୍ରଶଂସକମାନେ ତାଙ୍କୁ ବଡ ପରଦାରେ ଦେଖିବାକୁ ଉତ୍ସୁତକାର ସହ ଚାହିଁ ବସିଛନ୍ତି । ତେବେ ଆଗକୁ ଶ୍ରଦ୍ଧା ଅନେକ ବଡ ବଡ ଚଳଚ୍ଚିତ୍ରରେ ଏକ ପ୍ରମୁଖ ଭୂମିକା ଗ୍ରହଣ କରୁଥିବା ନଜର ଆସିବେ। ନିର୍ଦ୍ଦେଶକ ଲଭ୍ ରଂଜନଙ୍କ ଆଗାମୀ ଚଳଚ୍ଚିତ୍ର 'Untitled' ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ।
ଏହି ଚଳଚ୍ଚିତ୍ରରେ ଶ୍ରଦ୍ଧା କପୁର ଅଭିନେତା ରଣବୀର କପୁରଙ୍କ ସହ ସ୍କ୍ରିନ୍ ସେୟାର କରୁଥିବା ନଜର ଆସିବେ । ନିକଟରେ ଏହି ଟିମ ମୁମ୍ବାଇରେ ଫିଲ୍ମର ସୁଟିଂ କରୁଥିଲା । କିନ୍ତୁ ଲଭ ରଂଜନଙ୍କ ବିବାହ ହେତୁ ଟିମ କିଛି ଦିନ ପାଇଁ ବ୍ରେକ ନେଇଥିଲା । ବର୍ତ୍ତମାନ ଏହି ଟିମ ମୁମ୍ବାଇରେ ଶୁଟିଂ ଆରମ୍ଭ କରିଛି ।
ସୂଚନା ଅନୁଯାୟୀ, ମାର୍ଚ୍ଚ 8 ତାରିଖରୁ ଶ୍ରଦ୍ଧା ପ୍ରୋଜେକ୍ଟର ସୁଟିଂ ଆରମ୍ଭ କରିଛନ୍ତି । ଲଭ୍ ରଂଜନଙ୍କ ଏହା ଏକ ରୋମାଣ୍ଟିକ୍ କମେଡି ଚଳଚ୍ଚିତ୍ର ଏବଂ ଏଥିରେ ମୁଖ୍ୟ ଭୂମିକାରେ ରଣବୀର କପୁର ମଧ୍ୟ ଅଭିନୟ କରିଛନ୍ତି । ଏକ ଖବର କାଗଜରେ ପ୍ରକାଶିତ ରିପୋର୍ଟ ଅନୁଯାୟୀ, ‘ଫିଲ୍ମର ସୁଟିଂ ଶେଷ ହେବା ପୂର୍ବରୁ କେବଳ ଦୁଇଟି ଗୁରୁତ୍ୱପୂର୍ଣ୍ଣ କାର୍ଯ୍ୟସୂଚୀ ବାକି ଅଛି। ସେମାନେ ଏହାକୁ ମୁମ୍ବାଇରେ ଶୁଟିଂ କରିବେ ।
ଏହା ବି ପଢନ୍ତୁ: Untitled Film: ବଡ ପରଦାରେ ଚାଲିବ ରଣବୀର-ଶ୍ରଦ୍ଧାଙ୍କ ରୋମାନ୍ସ, ଜାଣନ୍ତୁ ଫିଲ୍ମର ରିଲିଜ୍ ଡେଟ
କହିବାକୁ ଗଲେ, ଲଭ୍ ରଂଜନଙ୍କ ନିର୍ଦ୍ଦେଶିତ ଲଣ୍ଡନରେ ଚଲବାଜରେ ମୁଖ୍ୟ ଭୂମିକାରେ ଶ୍ରଦ୍ଧା କପୁର ନଜର ଆସିବେ। ଏହା ବ୍ୟତୀତ ସେ ନିଖିଲ ଦ୍ୱିବେଦୀଙ୍କ ଫିଲ୍ମରେ ନାଗିନ୍ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରଟି ବିଶାଲ ଫୁରିଆଙ୍କ ଦ୍ୱାରା ନିର୍ଦ୍ଦେଶିତ ହେବ ଏବଂ ଏହି ଫିଲ୍ମରେ ବହୁତ ଭିଏଫଏକ୍ସ ରହିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
