ମୁମ୍ବାଇ: ହ୍ୟାଣ୍ଡସମ ଆକ୍ଟର ରଣବୀର କପୁର ସବୁବେଳେ ଫ୍ୟାନ୍ସଙ୍କ ମନ ଚୋରି କରିବାରେ ସଫଳ ହୋଇଥାଆନ୍ତି । ସେ କେବେ ମଧ୍ୟ ଫ୍ୟାନ୍ସଙ୍କ ମନ ଦୁଃଖ କରନ୍ତି ନାହିଁ । ପ୍ରାୟତଃ ସେ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ କିଛି ନା କିଛି କରୁଥିବାର ମଧ୍ୟ ଦେଖାଯାଆନ୍ତି । ଯାହାକୁ ନେଇ ତାଙ୍କ ଫ୍ୟାନ୍ସ ସବୁବେଳେ ଏକ୍ସାଇଟେଡ ଥାଆନ୍ତି ।
ଇତିମଧ୍ୟରେ ସେ ଏମିତି ଏକ କାମ କରିଛନ୍ତି, ଫ୍ୟାନ୍ସ ତାଙ୍କ ପ୍ରଂଶାସ କରିବାରେ ଥକୁନାହାଁନ୍ତି । ବର୍ତ୍ତମାନ ସୋସିଆଲ ମିଡିଆରେ ଘୁରିବୁଲୁଥିବା ରଣବୀରଙ୍କ ଏକ ଭିଡିଓ । ସେ ନିଜ କୁନି ଫ୍ୟାନଙ୍କ ବର୍ଥଡେ ସେଲିବ୍ରେଟ କରୁଥିବାର ନଜର ଆସୁଛନ୍ତି ଭିଡିଓରେ।
ଏହି ଭିଡିଓଟି ଏବେ ତାଙ୍କ ଫ୍ୟାନ୍ସଙ୍କ ମୁହଁରେ ହସାଇ ଫୁଟାଇ ଦେଇଛି । ରଣବୀର ସେହି କୁନି ଫ୍ୟାନ୍ସଙ୍କ ସହ କେକ କାଟି ତାଙ୍କୁ ବର୍ଥଡେ ୱିଶ କରୁଥିବାର ଦେଖାଯାଉଛନ୍ତି । ରଣବୀରଙ୍କ ଏହି ଭିଡିଓଟିକୁ ତାଙ୍କ ଫ୍ୟାନକ୍ଲବ ଇନଷ୍ଟାଗ୍ରାମରେ ଅପଲୋଡ କରାଯାଇଛି ।
ପ୍ରକାଶ ଥାଉକି ନିକଟରେ ରଣବୀରଙ୍କ ଡକାୟତ ଡ୍ରାମା ଫିଲ୍ମ ‘ସମଶେରା’ ଲୁକ ସୋସିଆଲ ମିଡିଆରେ ଭାଇରାଲ ହୋଇଥିଲା । ସେହି ଫଟୋରେ ଫ୍ୟାନ୍ସ ତାଙ୍କ ନୂଆ ଅବତାର ଦେଖିବାକୁ ପାଇଥିଲେ । ‘ସମଶେରା’ କାହାଣୀ ଜଣେ ଡାକୁର ନୁହେଁ ବରଂ ଏମିତି ଜଣେ ବ୍ୟକ୍ତିଙ୍କ ଯିଏ ଦେଶ ସ୍ବାଧୀନ ପାଇଁ 1800ରେ ବ୍ରିଟିଶଙ୍କ ସହ ଲଢିଥିଲେ ।
ଅନ୍ୟପଟେ ରଣବୀର ନିଜର ମଲ୍ଟି ଷ୍ଟାରର ଫିଲ୍ମ ‘ବ୍ରହ୍ମାସ୍ତ୍ର’ ଫିଲ୍ମକୁ ନେଇ ମଧ୍ୟ ଚର୍ଚ୍ଚାରେ । କାରଣ ପ୍ରଥମଥର ସେ ଏହି ଫିଲ୍ମରେ ନିଜ କଥିତ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ଆଲିୟା ଭଟ୍ଟଙ୍କ ସହ ନଜର ଆସିବେ । ଏହି ଲଭବାର୍ଡଙ୍କ ବ୍ୟତୀତ ଫିଲ୍ମରେ ମେଗାଷ୍ଟାର ଅମିତାଭ ବଚ୍ଚନ, ନାଗାର୍ଜୁନ ଓ ମୌନୀ ରାୟ ମଧ୍ୟ ମୁଖ୍ୟ ଭୂମିକାରେ ଅଛନ୍ତି ।
