ମୁମ୍ବାଇ: ବକ୍ସ ଅଫିସକୁ ‘ପ୍ୟାର କା ପଞ୍ଚନାମା’ ଓ ‘ସୋନୁ କି ଟିଟୁ କି ସ୍ବିଟି’ ଭଳି ଦମଦାର କମେଡି ଫିଲ୍ମ ଦେଇଥିବା ନିର୍ମାତା ଲଭ ରଞ୍ଜନଙ୍କ ଆଗାମୀ ଫିଲ୍ମକୁ ନେଇ ନୂଆ ଖବର ସାମ୍ନାକୁ ଆସିଛି । ପ୍ରଥମଥର ଦର୍ଶକଙ୍କୁ ମିଳିବ ବଡ ସରପ୍ରାଇଜ । ପରଦାରେ ରୋମାନ୍ସ କରିବେ ସୁନ୍ଦରୀ ଶ୍ରଦ୍ଧା କପୁର ଓ ରଣବୀର କପୁର । ‘ସାହୋ’ ଓ ‘ଛିଛୋ’ରେ ରିଲିଜ ପରେ ଶ୍ରଦ୍ଧାଙ୍କ ଏହା ଆଗାମୀ ଫିଲ୍ମ ।
ସେପଟେ ରଣବୀର ବର୍ତ୍ତମାନ ନିଜର ବହୁପ୍ରତିକ୍ଷିତ ଫିଲ୍ମ ‘ବ୍ରହ୍ମାସ୍ତ୍ର’କୁ ନେଇ ବ୍ୟସ୍ତ । ଫିଲ୍ମର ସୁଟିଂ ଏବେ ବନାରସରେ କରୁଛନ୍ତି ସେ । ଶ୍ରଦ୍ଧା ଓ ରଣବୀର ସ୍କ୍ରିନ ସେୟାର କରିବା ସୂଚନା ଟ୍ବିଟରରେ ଫିଲ୍ମ କ୍ରିଟିକ ତରୁଣ ଆଦର୍ଶ ଦେଇଛନ୍ତି । ଫିଲ୍ମର ରିଲିଜ ତାରିଖ ଘୋଷଣା କରି ସେ ଲେଖିଛନ୍ତି, ‘2021 ମାର୍ଚ୍ଚ 26ରେ ରିଲିଜ ହେବ ଏହି ଫିଲ୍ମ । ଯାହାର ପ୍ରଯୋଜନା ଦାୟିତ୍ବ ତୁଲାଇବେ ଲଭ ଓ ଅଙ୍କୁର ଗର୍ଜ ।’
ପ୍ରକାଶ ଥାଉକି ଏହାବ୍ୟତୀତ ଶ୍ରଦ୍ଧା ଓ ବରୁଣ ଧୱନଙ୍କ ଅଭିନୀତ ଫିଲ୍ମ ‘ଷ୍ଟ୍ରିଟ ଡାନ୍ସର’ ଖୁବଶୀଘ୍ର ରିଲିଜ ହେବାକୁ ଯାଉଛି । ନିକଟରେ ରିଲିଜ ହୋଇଥିବା ଫିଲ୍ମର ଦମଦାର ଟ୍ରେଲର । ପାକିସ୍ତାନୀ ଡାନ୍ସର ରୂପେ ଶ୍ରଦ୍ଧା ନଜର ଆସୁଥିବା ବେଳେ ବରୁଣ ଭାରତୀୟ ଡାନ୍ସର ସାଜିଥିଲେ ।
