ମୁମ୍ବାଇ: ନିର୍ଦ୍ଦେଶକ, ନିର୍ମାତା ରାମ ଗୋପାଲ ବର୍ମା ନିଜ ଫିଲ୍ମ ଠାରୁ ଅଧିକ ବାବାଦ ପାଇଁ ଚର୍ଚ୍ଚାରେ ରହିଥାଆନ୍ତି । ନିକଟରେ ରାମ ଗୋପାଲଙ୍କ ନିର୍ଦ୍ଦେଶିତ ଫିଲ୍ମ 'ସ୍ମାର୍ଟ ଶଙ୍କର' ବକ୍ସ ଅଫିସରେ ହିଟ ସାବ୍ୟସ୍ତ ହୋଇଥିବା ବେଳେ ସେ ଏକ ନୂଆ ବିବାଦ ଘେରରେ ଆସିଯାଇଥିଲେ ।
ଫିଲ୍ମର ପ୍ରମୋଶନ କରିବା ପାଇଁ ରାମ ଗୋପାଲ ଏକ ଭିନ୍ନ ଉପାୟ ଆପଣାଇଥିଲେ । ସେ ଟ୍ରିପଲିଂ କରି ସିନେମା ହଲରେ ପହଞ୍ଚିଥିଲେ । ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା । ଅନ୍ୟପଟେ ତାଙ୍କର ଏପରି ଅନ୍ଦାଜ ଦେଖି ପୋଲିସ ତାଙ୍କ ଉପରେ ଫାଇନ ଲଗାଇ ଦେଇଥିଲା । ଯାହାକୁ ଆଧାର କରି ଏବେ ରାମ ଗୋପାଲ ଏକ ଟ୍ବିଟ କରିଛନ୍ତି । ଅନ୍ୟପଟେ ଫ୍ୟାନ୍ସ ରାମ ଗୋପାଲଙ୍କ ଟ୍ବିଟ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି ।
ସେ ଟ୍ବିଟରରେ ଟ୍ରାଫିକ ନିୟମ ଭାଙ୍ଗିବାର ଭିଡିଓ ଅପଲୋଡ କରିଛନ୍ତି । ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, "କେଉଁଠାରେ ଅଛନ୍ତି ଟ୍ରାଫିକ ପୋଲିସ, ଲାଗୁଛି ସମସ୍ତେ ଥିଏଟର ଭିତରେ ଅଛନ୍ତି ଆଉ ଫିଲ୍ମ ସ୍ମାର୍ଟ ଶଙ୍କର ଦେଖୁଛନ୍ତି ।"
ଏହାର ଜବାବ ଦେଇ ସାଇବର ଟ୍ରାଫିକ 1335 ଟଙ୍କାର ଫାଇନ ରାମ ଗୋପାଲଙ୍କ ଉପରେ ଲଗାଇ ଲେଖିଛି, "ଟ୍ରାଫିକ ନିୟମକୁ ଉଲ୍ଲଂଘନ ରିପୋର୍ଟ କରିବା ପାଇଁ ଧନ୍ୟବାଦ ରାମ ଗୋପାଲ ବର୍ମା । ଆମେ ଆଶା କରୁଛି ଯେ ଆପଣ ଟ୍ରାଫିକ ନିୟମର ପାଳନ ନିଜେ କରିବେ । କେବଳ ସିନେମା ଘରେ କାହିଁକି ? ଟ୍ରାଫିକ ପୋଲିସ ଏପରି ଡ୍ରାମା ରାସ୍ତାରେ ସବୁବେଳେ ଦେଖୁଛି ।"
