ହାଇଦ୍ରାବାଦ: ସୋସିଆଲ ମିଡିଆରେ ପପୁଲାର ହୋଇଥିବା ରାନୁ ମଣ୍ଡଳ ହିମେଶ ରେସମିୟାଙ୍କ ସହ ପ୍ରାୟ ତିନୋଟି ଗୀତ ଗାଇ ସାରିଲେଣି । ପ୍ଲାଟଫର୍ମରୁ ବଲିଉଡ ଯାତ୍ରା କରିସାରିଥିବା ରାନୁମଣ୍ଡଳଙ୍କ ସହ ବର୍ତ୍ତମାନ କାମ କରିବାକୁ ଚାହୁଁଛନ୍ତି ।
ନିକଟରେ ରାକ୍ଷୀଙ୍କ ଗୀତ ‘ଛପନଛୁରୀ’ ରିଲିଜ ହୋଇଛି । ଗୀତର ପ୍ରମୋଶନ ପାଇଁ ବ୍ୟସ୍ତ ଥିବା ରାକ୍ଷୀ ରାନୁ ମଣ୍ଡଳଙ୍କ ସହ କାମ କରିବାକୁ ଚାହାଁନ୍ତି । ‘ଛପନଛୁରୀ’ର ରିମିକ୍ସ ଭର୍ସନରେ ରାନୁ ଗୀତ ଗାଆନ୍ତୁ ବୋଲି ଚାହାଁନ୍ତି ରାକ୍ଷୀ ।
ରାକ୍ଷୀଙ୍କୁ ନେଇ ନିର୍ମାଣ କରାଯାଇଥିବା ଏହି ଗୀତର ଅରିଜିନାଲ ଭର୍ସନକୁ ମନ୍ଦାକିନୀ ବୋରା ଗାଇଛନ୍ତି । ନିକଟରେ ରାକ୍ଷୀ ନିଜ ବିବାହ ପାଇଁ ଚର୍ଚ୍ଚାରେ ଅଛନ୍ତି କିନ୍ତୁ ଏଯାଏଁ ତାଙ୍କ ପତିଙ୍କ ବିଷୟରେ ଜାଣିବାକୁ ମିଳିପାରିନାହିଁ ।
