ମୁମ୍ବାଇ: ଫେମସ ଆକ୍ଟର ରାଜକୁମାର ରାଓ ଓ ଜାହ୍ନବୀ କପୁରଙ୍କ ଆଗାମୀ ଫିଲ୍ମ ‘ରୁହି ଆପଜା’କୁ ନେଇ ଉତ୍ସାହିତ ଦର୍ଶକ। ଫିଲ୍ମ ଟାଇଟଲ ଘୋଷଣା ହେବା ଦିନଠୁ ହିଁ ଚର୍ଚ୍ଚାରେ। ଫିଲ୍ମର ଟାଇଟଲକୁ ବାରମ୍ବାର ପରିବର୍ତ୍ତନ କରିବାରେ ଲାଗିଛନ୍ତି ମେକର୍ସ। ଏବେ ପୁଣି ଫିଲ୍ମର ଟାଇଟଲ ପରିବର୍ତ୍ତନ କରାଯାଇଛି। ‘ରୁହି ଆପଜା’ ବଦଳି ବର୍ତ୍ତମାନ ମେକର୍ସ ଏହାର ଟାଇଟଲ ‘ରୁହି ଅଫଜାନା’ ରଖିଛନ୍ତି।
ନିକଟରେ ଏହି ଫିଲ୍ମର ଏକ ପୋଷ୍ଟର ଜାରି କରାଯାଇଥିଲା। ଯେଉଁଥିରେ ଫିଲ୍ମର ତିନି ମୁଖ୍ୟ କଳାକାର ନଜର ଆସିଥିଲେ । ରାଜକୁମାର, ଜାହ୍ନବୀଙ୍କ ସହ କମେଡି ଆକ୍ଟର ବରୁଣ ଶର୍ମା ଡରୁଥିବାର ଦେଖାଯାଉଥିଲେ । ଏହି କମେଡି ଡ୍ରାମା ଫିଲ୍ମ ଏବର୍ଷ ଏପ୍ରିଲରେ ରିଲିଜ ହେବାକୁ ଯାଉଛି।
ପ୍ରକାଶ ଥାଉକି ‘ରୁହି ଅପଜାନା’ ରେ ଜାହ୍ନବୀ ଡବଲ ରୋଲରେ ଅଭିନୟ କରୁଛନ୍ତି। ନିକଟରେ ଫିଲ୍ମର କାଷ୍ଟିଂକୁ ନେଇ ନିର୍ମାତା ଦିନେଶ ବିଜାନ କରିଥିଲେ ଯେ ଆମକୁ ଫିଲ୍ମ ପାଇଁ ଏମିତି ଅଭିନେତ୍ରୀର ଆବଶ୍ୟକ ଅଛି। ଯିଏ ନିଜ ଭୂମିକାରେ ସମ୍ପୂର୍ଣ୍ଣ ରୂପେ ପରଫେକ୍ଟ ନଜର ଆସିବେ। ଆଉ ସେମିତି ଦେଖିବାକୁ ଗଲେ ରାଜକୁମାର ଓ ବରୁଣ ଶାନଦାର କମେଡି କରନ୍ତି। ସେହିପରି ଜାହ୍ନବୀ ତାଙ୍କ ସହ କମେଡିର ତଡକା ଲଗାଇବେ।
