ହାଇଦ୍ରାବାଦ: ସାଉଥ ଅଭିନେତା ଅଲ୍ଲୁ ଅର୍ଜୁନଙ୍କ 'ପୁଷ୍ପା ୨' ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ, ଯାହାକୁ ନେଇ ଫ୍ୟାନ୍ସ ଫିଲ୍ମ ସହ ଜଡିତ ପ୍ରତ୍ୟେକ ଅପଡେଟ୍ ଜାଣିବାକୁ ଉତ୍ସାହିତ ରହିଥାନ୍ତି । ଏହି ଫିଲ୍ମ ଡିସେମ୍ବରରେ ପ୍ରେକ୍ଷାଳୟକୁ ଆସିବାକୁ ଯାଉଛି, ଏହା ପୂର୍ବରୁ ନିର୍ମାତା ପ୍ରଶଂସକମାନଙ୍କୁ ଏକ ବଡ଼ ଖୁସି ଖବର ଦେଇଛନ୍ତି । ପୁଷ୍ପା 2 ରେ ଥିବା ସ୍ପେଶାଲ ଡ୍ୟାନ୍ସରେ ଶ୍ରୀଲିଲା ନଜର ଆସିବାକୁ ଯାଉଛନ୍ତି । 'ପୁଷ୍ପା: ଦ ରାଇଜ୍'ରେ ନିଜର ଦମଦାର ଡ୍ୟାନ୍ସ ସହ ସାମନ୍ଥା କୋଟି ଲୋକଙ୍କ ହୃଦୟ ଜିତିଥିଲେ, ବର୍ତ୍ତମାନ ଶ୍ରୀଲିଲା ସାମନ୍ଥାଙ୍କ ପରିବର୍ତ୍ତେ ନଜର ଆସିବାକୁ ଯାଉଛନ୍ତି ।
'ପୁଷ୍ପା ୨'ରେ ଶ୍ରୀଲିଲାଙ୍କ ଅଫିସିଆଲ୍ ଏଣ୍ଟ୍ରି
ନିର୍ମାତାମାନେ ତାଙ୍କ ଅଫିସିଆଲ୍ ଇନଷ୍ଟାଗ୍ରାମରେ ଶ୍ରୀଲିଲାଙ୍କ ଏକ ପୋଷ୍ଟର ସେୟାର କରି ସ୍ପେଶାଲ ଡ୍ୟାନ୍ସ ତାଙ୍କର ଏଣ୍ଟ୍ରିକୁ ନିଶ୍ଚିତ କରିଛନ୍ତି । ଏହି ଗୀତର ଟାଇଟଲ୍ ମଧ୍ୟ ପ୍ରକାଶ କରାଯାଇଛି। ପୋଷ୍ଟର ସେୟାର କରି ନିର୍ମାତାମାନେ କ୍ୟାପସନରେ ଲେଖିଛନ୍ତି, 'ପୁଷ୍ପା: ଦ ରୁଲ' 'କିସିକ' ଗୀତ ପାଇଁ ଡ୍ୟାନ୍ସ କୁଇନ ଶ୍ରୀଲିଲାଙ୍କୁ ସ୍ୱାଗତ କରୁଛୁ । ଏହି ଗୀତଟି ଉତ୍କୃଷ୍ଟ ହେବ ଯେଉଁଥିରେ ଡ୍ୟାନ୍ସ ଏବଂ ସଙ୍ଗୀତର ଏକ ବଡ଼ ମିଶ୍ରଣ ହେବ । ତେଣୁ ଡିସେମ୍ବର 5, 2024 ରେ 'ପୁଷ୍ପା 2: ଦ ରୁଲ' ଗ୍ରାଣ୍ଡ ରିଲିଜ ମୁକ୍ତି ପାଇଁ ପ୍ରସ୍ତୁତ ହୁଅ ।'
Sreeleela & Allu Arjun #Pushpa2TheRule song shoot 💥@sreeleela14 @alluarjun pic.twitter.com/x41qtFPuX6
— SreeLeela Trends ™ (@TrendsSreeLeela) November 9, 2024
ସେଟରୁ ଶ୍ରୀଲିଲା ଏବଂ ଅଲ୍ଲୁ ଅର୍ଜୁନଙ୍କ ଫଟୋ ଲିକ୍ ହୋଇଥିଲା
ନିକଟରେ 'ପୁଷ୍ପା ୨' ସେଟରୁ ସୋସିଆଲ ମିଡିଆରେ ମୁଖ୍ୟ ଅଭିନେତା ଅଲ୍ଲୁ ଅର୍ଜୁନ ଏବଂ ଶ୍ରୀଲିଲାଙ୍କ ଫଟୋ ଲିକ୍ ହୋଇଥିଲା । ବର୍ତ୍ତମାନ ନିର୍ମାତାମାନେ ଏହାକୁ ଅଫିସିଆଲ୍ କରି 'କିସିକ୍' ଗୀତର କୁଲ୍ ପୋଷ୍ଟର ରିଲିଜ୍ କରିଛନ୍ତି । ଭାଇରାଲ୍ ଫଟୋ ଏବଂ ପୋଷ୍ଟରକୁ ଦେଖିଲେ ଲାଗୁଛି ଯେ ଫିଲ୍ମ ନିର୍ମାତାମାନେ 'ପୁଷ୍ପା: ଦ ରାଇଜ୍'ରୁ ଲୋକପ୍ରିୟ ନମ୍ବର ଗୀତ' 'ଓ ଓ ଆଣ୍ଟୱା ଭା ଭା''ର ଯାଦୁ ପୁଣିଥରେ ସୃଷ୍ଟି କରିବାକୁ ଚେଷ୍ଟା କରୁଛନ୍ତି । ସାମନ୍ଥାଙ୍କ ଡ୍ୟାନ୍ସ ସେହି ସମୟରେ ସାରା ଭାରତରେ ଟ୍ରେଣ୍ଡ କରିବା ସହ ଲୋକଙ୍କ ମଧ୍ୟରେଏହି ଗୀତକୁ ନେଇ ଭିନ୍ନ କ୍ରେଜ ରହିଥିଲା । ବର୍ତ୍ତମାନ ଶ୍ରୀଲିଲାଙ୍କ ଡ୍ୟାନ୍ସରୁ ମଧ୍ୟ ପ୍ରଶଂସକଙ୍କ ସମାନ ଆଶା ରହିଛି ।
ଏହା ମଧ୍ୟ ପଢନ୍ତୁ: 'କନ୍ନପା-ପୁଷ୍ପା 2' ସେଟରୁ ଫଟୋ ଲିକ୍; ରୁଦ୍ର ଅବତାରରେ ପ୍ରଭାସ, ଶ୍ରୀଲିଲାଙ୍କ ସହ ନଜର ଆସିଲେ ଅଲ୍ଲୁ ଅର୍ଜୁନ
ଏହି ଦିନ ଆସିବ 'ପୁଷ୍ପା ୨' ଟ୍ରେଲର
ନଭେମ୍ବର 8 ରେ 'ପୁଷ୍ପା ୨'ର ନିର୍ମାତାମାନେ ଫିଲ୍ମର ଟ୍ରେଲର ବିଷୟରେ ଏକ ଅପଡେଟ୍ ଦେଇଥିଲେ । X ରେ ଏକ ପୋଷ୍ଟ ସେୟାର କରିବା ସେ ଲେଖିଛନ୍ତି, 'ଅପେକ୍ଷା ଶେଷ ହୋଇଛି। ସବୁଠୁ ବଡ ଭାରତୀୟ ଚଳଚ୍ଚିତ୍ରର ଟ୍ରେଲରରେ ଲକ୍ ପଡିଛି । ପୁଷ୍ପା 2 ର ଟ୍ରେଲର ଖୁବ ଶୀଘ୍ର ଘୋଷଣା ହେବାକୁ ଯାଉଛି । ଡିସେମ୍ବର 5, 2024 ରେ 'ପୁଷ୍ପା 2' ସାରା ବିଶ୍ୱରେ ଏକ ବଡ଼ ମୁକ୍ତିଲାଭ କରିବ । ଏହା ପୂର୍ବରୁ 15 ନଭେମ୍ବରରେ ପାଟନାରେ ଆୟୋଜିତ ହେବାକୁ ଥିବା ଗ୍ରାଣ୍ଡ ଇଭେଣ୍ଟରେ ଟ୍ରେଲର ରିଲିଜ୍ ହୋଇପାରିବ ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ନୂଆ ରିଲିଜ ଡେଟ୍ ଘୋଷଣା, ଏହି ଦିନ ପରଦାକୁ ଆସିବ ଫିଲ୍ମ
ସୁକୁମାରନଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିବେ । ତେବେ 'ପୁଷ୍ପା ୨' ମଧ୍ୟ ପ୍ରଥମ ଭାଗ ପରି ବକ୍ସ ଅଫିସରେ ନୂଆ ରେକର୍ଡ କରିବ ବୋଲି ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
